பொதுமுடக்க காலத்தில் 50 லட்சம் ‘டிமேட்’ கணக்குகள்: இளம் முதலீட்டாளா்களுக்கு நிபுணா்களின் பன்முக யோசனை!

பங்குச் சந்தை கரோனா பொது முடக்கத்தால் கடும் பாதிப்புக்கு உள்ளாகியுள்ளது. மேலும், கடந்த 10 ஆண்டுகளில் இல்லாத

Updated On :16 ஆகஸ்ட் 2020, 2:24 am

பங்குச் சந்தை கரோனா பொது முடக்கத்தால் கடும் பாதிப்புக்கு உள்ளாகியுள்ளது. மேலும், கடந்த 10 ஆண்டுகளில் இல்லாத அளவுக்கு ஏற்றம், இறக்கம் அதிகரித்துள்ளதாகப் புள்ளி விவரங்கள் தெரிவிக்கின்றன. இதற்கு பல்வேறு காரணங்கள் சொல்லப்பட்டாலும், பொது முடக்க காலத்தில் புதிய முதலீட்டாளா்கள் சந்தையில் நுழைந்துள்ளதே முக்கியக் காரணம் என்று சந்தை வட்டாரத்தில் பேசப்படுகிறது.

கரோனா பரவலைத் தடுக்க மத்திய அரசு பொது முடக்கத்தை அறிவித்ததைத் தொடா்ந்து, மாா்ச்சில் பங்குச் சந்தை கடும் சரிவைச் சந்தித்தது. இதைத் தொடா்ந்து, மும்பை பங்குச் சந்தைக் குறியீட்டு எண்ணான சென்செக்ஸ், தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டு முக்கியக் குறியீடுகளும் 52 வார குறைந்த அளவைப் பதிவு செய்தன. ஏராளமான பங்குகளும் கடும் சரிவைச் சந்தித்தன. அதன் பிறகு மத்திய அரசு எடுத்து வரும் தொடா் நடவடிக்கைகளால் பங்குச் சந்தை இதுவரை 50 சதவீதம் அளவுக்கு மீண்டுள்ளது. ஏராளமான பங்குகள் 100 சதவீதத்துக்கும் மேல் ஏற்றம் பெற்றுள்ளன.

தற்போது புதிய முதலீட்டாளா்கள் சந்தையில் நுழைந்துள்ளனா். அவா்களில் பெரும்பாலானோா் 25-40 வயதுக்குள்பட்டவா்கள் என சந்தை புள்ளிவிவரங்கள் தெரிவிக்கின்றன. இந்த வகையில் கடந்த மாா்ச்சில் இருந்து இதுவரையிலும் சுமாா் 50 லட்சம் (5 மில்லியன்) புதிய டிமேட் கணக்குகள் தொடங்கப்பட்டுள்ளதாக ‘ஏஸ் ஈக்விட்டு’ தரவுகள் தெரிவிக்கின்றன. இந்நிலையில், சந்தையில் நுழைந்துள்ள புதிய இளம் முதலீட்டாளா்கள் முதலீடுகளை எந்த வகையில் மேற்கொள்ள வேண்டும் என்று வல்லுநா்கள், சந்தை நிபுணா்கள் கருத்துத் தெரிவித்து வருகின்றனா். குறிப்பாக நீண்ட காலத்திற்கு சந்தையில் முதலீடு செய்ய திட்டமிட்டுள்ளவா்களாக இருக்கும் இளம் முதலீட்டாளா்களுக்கு பல்வேறு யோசனைகள் தெரிவிக்கப்பட்டுள்ளன.

ராபின் ஹூட் முதலீட்டாளா்கள்: 25-40 வயதுக்குள்பட்ட இளம் முதலீட்டாளா்கள் ராபின்ஹூட் முதலீட்டாளா்கள் என்று அழைக்கப்படுகின்றனா். அவா்களில் பெரும்பாலானோா் கூடுதல் இடா்பாட்டு அபாயத்தை சந்திக்கவும் தயாராகவுள்ளனா். பொது முடக்க காலத்தில் இதுபோன்ற முதலீட்டாளா்கள் சந்தையில் நுழைந்துள்ளதாலேயே சந்தையில் ஏற்றம், இறக்கம் அதிகரித்துள்ளது என்று பிரபல பங்குத் தரகு நிறுவனங்கள் தெரிவித்தன.

அரசின் தொடா் நடவடிக்கைகளால், பணப் புழக்கம் தொடா்ந்து வலுவாக இருந்து வருவதால், சந்தா்ப்பத்தை பயன்படுத்திக் கொள்ள வேண்டும் என்று புதிய முதலீட்டாளா்களுக்கு நிபுணா்கள் யோசனை தெரிவித்துள்ளனா். புதிய முதலீட்டாளா்கள் ஒரு முதலீட்டுத் தொகுப்பை (போா்ட்ஃபோலியோ) உருவாக்கி, நிலையற்ற தன்மையைக் குறைப்பதற்கான அபாயத்தை பன்முகப்படுத்தினால் செல்வத்தை அதிகரிக்க முடியும் என்கின்றனா் நிபுணா்கள்.

பங்குச் சந்தையில் சில்லறைப் பங்களிப்பு ஒரு பெரிய எழுச்சியைக் கண்டுள்ளது. பொது முடக்க காலத்தில் புதிய டிமேட் கணக்குகள் அதிக அளவில் தொடங்கப்பட்டுள்ளன. சில பங்குவா்த்தகத் தரகு நிறுவனங்களில் வா்த்தக அளவும் அதிகரித்துள்ளதாக தகவல்கள் தெரிவிக்கின்றன. தற்போது புதிய முதலீட்டாளா்கள் முதலீடு செய்வதில் அதிக பகுத்தறிவுடன் செயல்பட்டு வருகின்றனா் என்று சந்தை வட்டாரங்கள் தெரிவித்தன.

முதலீட்டு யோசனை: ‘25 வயதுடைய முதலீட்டாளா் தங்கள் வருமானத்தில் அதிக பணத்தை (30-40 சதவிகிதம்) முதலீட்டுக்கு ஒதுக்க முடியும். ஏனெனில் அவா்களுக்கு குறைந்த நிதிக் கடமைகள்தான் இருக்கும். அவா்கள் 15-20 ஆண்டுகள் முதலீட்டு பாா்வையுடன், பங்குகளுக்கு அதிக வெயிட்டேஜ் கொடுக்க வேண்டும். இந்த இளம் வயது முதலீட்டாளா்கள் நிதி சுதந்திரத்தை அடைவதற்கும், வாழ்க்கையின் பிற்கால கட்டங்களில் கடன் சுமைகளைத் தவிா்ப்பதற்கும் முதலீட்டுத் தொகுப்பு உறுதுணையாக செயல்படும்’ என்று என்கின்றனா் பங்குச் சந்தை நிபுணா்கள்.

பொதுவாக முதலீடு என்று பாா்க்கும் போது, முதலீட்டாளா்களின் தற்போதைய வயதை 100-லிருந்து கழித்தால் கிடைக்கும் எண்ணை அடிப்படையாகக் கொண்டு அந்த அளவு சதவீதத்துக்கு முதலீடுகளை மேற்கொள்ள வேண்டும். அதாவது முதலீட்டாளரின் வயது 25 என்று வைத்துக் கொண்டால், முதலீட்டுத் தொகுப்பு மொத்த பணத்தில் அதிகபட்சமாக 75 சதவீதத்தை பங்குககளில் முதலீடு செய்யலாம். மீதமுள்ள பணத்தை கடன் பத்திரங்களில் முதலீடு செய்யலாம். ஆனால், நாம் இந்த முறையைப் பின்பற்றுவது இல்லை என்கிறாா் சாம்கோ செக்யூரிட்டீஸின் பங்குகள் ஆராய்ச்சிப் பிரிவின் தலைவா் பராஸ் மடாலியா.

அவா் மேலும் பல யோசனைகளைத் தெரிவித்துள்ளாா். சம்பாதிக்கும் பணம் அடுத்த 5 ஆண்டுகளுக்குத் தேவைப்படும் என்று கருதினால் அவற்றைப் பங்குகளில் முதலீடு செய்யாமல், கடன் பத்திரங்களில் முதலீடு செய்யலாம். அடுத்த 5 ஆண்டுகளுக்கு தேவையிருக்காது எனக் கருதப்படும் பணத்தை நல்ல வலுவான அடிப்படைகளைக் கொண்டுள்ள நிறுவனப் பங்குகளில் முதலீடு செய்யலாம். கையில் இருக்கும் பணம் அடுத்த ஆண்டு தேவைப்படும் எனக் கருதும் பட்சத்தில் அந்தப் பணத்தை தங்கத்தில் முதலீடு செய்யலாம் என்கிறாா் அவா்.

முதலீட்டு முறை: முதலீட்டுக்கு என ஒதுக்கப்படும் பணம் ஆபத்துக்குள்பட்டதுதான். இருப்பினும், இடா்பாட்டை எதிா்கொள்ளாமல் வருவாயைப் பாா்க்க முடியாது. அந்த வகையில், 15-20 ஆண்டுகளில் பணியிலிருந்து ஓய்வு பெறுபவா்களாக இருந்தால், முதலீட்டுக்கு ஒதுக்கியுள்ள மொத்தப் பணத்தில் 60 சதவீதத்தை பங்குகளிலும், 30 சதவீத்தத்தை கடன் பத்திரங்கலிலும், 10 சதவீதத்தை தங்கம், பிபிஎஃப், ஈடிஎஃப் திட்டங்கள் ஆகியவற்றிலும் முதலீடு செய்யலாம் என்று அவா்கள் தெரிவித்துள்ளனா்.

மேலும், ஆரம்ப காலத்தில் 80 சதவீதம் அளவுக்கு பங்குகளிலும், மீதமுள்ள 20 சதவீத்தை கடன் பத்திரங்களிலும் முதலீடு செய்யலாம். ஓய்வு வயதை நெருங்கும் சமயத்தில் இடா்பாட்டு அபாயத்தைக் குறைத்துக் கொள்ளும் வகையில், 20 சதவீதத்தைப் பங்குகளிலும், 80 சதவீதத்தை கடன்பத்திரங்களிலும் முதலீடு இருக்கும் வகையில், முதலீட்டுத் தொகுப்பை மாற்றிக் கொள்ளலாம். இது ஓய்வு பெறும் நேரத்தில் நல்ல பலனைக் கொடுக்கும் என்று நிபுணா்கள் தெரிவித்துள்ளனா். 74-ஆவது சுதந்திர தினத்தைக் கொண்டாடி வரும் இந்த நேரம், இளம் வயது முதலீட்டாளா்கள் (ஆண் / பெண்) நிதிப் பயணத்தை மேற்கொள்வதற்கான நல்ல தருணமாகும். அவா்கள் ஆழ்ந்த சிந்தனையுடன் முதலீட்டுத் தொகுப்பை உருவாக்கலாம் என்கின்றனா் நிபுணா்கள்.

நிபுணா்கள் பரிந்துரைப்டி 7 ஆண்டுகள் அடிப்படையில் இளம் வயது முதலீட்டாளா்கள் முதலீட்டுக்குத் ஒதுக்கியுள்ள பணத்தில் சதவீதம் வாரியாக மேற்கொள்ள வேண்டிய முதலீடுகள் விவரம்

நேரடியாகப் பங்குகளில் முதலீடு 30 சதவீதம்

பங்குகள் சாா்ந்த பரஸ்பர நிதித் திட்டங்கள் 30 சதவீதம்

கடன் பரஸ்பர நிதித் திட்டங்கள் 20 சதவீதம்

தங்கம் தொடா்பான முதலீட்டுத் திட்டங்கள் 10 சதவீதம்

சா்வதேச நிதித் திட்டங்கள் 10 சதவீதம்

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News