ரியல்மி சி3 ஸ்மார்ட் போன் பிப்.6ல் அறிமுகம்!

சீனத் தயாரிப்பான ரியல்மி சி3 வருகிற பிப்ரவரி 6ம் தேதி இந்திய சந்தையில் அறிமுகப்படுத்தப்பட உள்ளதாக அந்நிறுவனம் தெரிவித்துள்ளது. 

ரெட்மி, விவோ, ஓப்போ தயாரிப்புகளைப் போன்று ரியல்மி போன்கள் தற்போது வாடிக்கையாளர்கள் மத்தியில் பெரும் வரவேற்பைப் பெற்றுள்ளது. ரியல்மி தயாரிப்புகளில் ஏற்கெனவே உள்ள ரியல்மி சி சீரிஸ் ஸ்மார்ட்போன்கள் பயனர்களின் விருப்பமாக உள்ளது. சமீபத்தில் வெளியான ரியல்மி சி2, ரியல்மி போன்களிலேயே இது அதிக விற்பனையை எட்டியுள்ளது.

இதன் அடுத்த வெர்ஷனாக ரியல்மி சி3 வெகு விரைவில் இந்திய சந்தையில் அறிமுகப்படுத்தப்பட உள்ளது. வருகிற பிப்ரவரி 6ம் தேதி இங்கு அறிமுகம் செய்யப்போவதாக அந்நிறுவனம் அறிவித்துள்ளது. விலை இன்னும் நிர்ணயிக்கப்படவில்லை.

முன்னதாக, ரியல்மி சி1 விலை ரூ. 6999, ரியல்மி சி2 விலை ரூ. 5,999 (2 ஜிபி ரேம்), ரூ.7,999(3 ஜிபி ரேம் ). ரியல்மே சி3 விலையும் அதிகபட்சமாக ரூ.10,000க்கும் குறைவாகவே இருக்கும் என்று எதிர்பார்க்கப்படுகிறது. 

6.5 அங்குல டிஸ்ப்ளே, வாட்டர் டிராப்-ஸ்டைல் நாட்ச் மற்றும் கார்னிங் கொரில்லா கிளாஸ் ஆகியவற்றைக் கொண்டிருக்கும். 3 ஜிபி ரேம் மற்றும் 4ஜிபி ரேம் ஆகிய இரு வகைகளில் வர வாய்ப்புள்ளது. 5,000 எம்ஏஎச் பேட்டரி மற்றும் 64 ஜிபி வரை சேமிப்பு வசதி இருக்கும். 12 மெகாபிக்சல் மெயின் ஷூட்டர் மற்றும் எல்.ஈ.டி ஃபிளாஷ் கொண்ட இரட்டை கேமரா கொண்டிருக்கும். எனினும் சந்தைக்கு வந்தபிறகே இதன் முழுமையான அம்சங்கள் குறித்த விபரம் தெரிய வரும்.