பங்குச்சந்தை வணிகம் 2-வது நாளாக உயர்வுடன் தொடக்கம்

வாரத்தின் 2-வது நாளான இன்றும் (ஜூலை 6) பங்குச்சந்தை வணிகம் உயர்வுடன் தொடங்கியது.  கடந்த வாரம் முழுவதும் சரிவில் இருந்த நிலையில், நேற்று இந்திய பங்குச்சந்தை உயர்வுடன் தொடங்கி உயர்வுடன் முடிவடைந்திருந்தது.

அதனைத் தொடர்ந்து வாரத்தின் இரண்டாவது நாளான இன்றும் பங்குச்சந்தை உயர்வுடன் தொடங்கியுள்ளது.

மும்பை பங்குச்சந்தை குறியீட்டு எண் சென்செக்ஸ் 11.76 புள்ளிகள் உயர்ந்து 52,891.76 புள்ளிகளாக வர்த்தகம் நடைபெற்று வருகிறது. இது மொத்த வர்த்தகத்தில் இது 0.051 சதவிகிதம் உயர்வாகும்.

இதேபோன்று தேசிய பங்குச்சந்தை குறியீட்டு எண் நிஃப்டி 18.90 புள்ளிகள் உய்ர்ந்து 15,853.25 புள்ளிகளாக வர்த்தகம் நடைபெற்று வருகிறது. மொத்த வர்த்தகத்தில் இது 0.13 சதவிகிதம் உயர்வாகும்.

சென்செக்ஸ் பட்டியலிலுள்ள முதல் 30 தர பங்குகளில் 14 நிறுவனங்களின் பங்குகள் உயர்வுடன் காணப்பட்டன. அதிகபட்சமாக அல்ட்ராடெக் சிமென்ட் 3.29 சதவிகிதமும், எச்டிஎஃப்சி வங்கி 1.25 சதவிகிதமும், டைட்டை கம்பெனி 1.07 சதவிகிதமும், இண்டஸ்இந்த் வங்கி 0.94 சதவிகிதமும் உயர்ந்துள்ளன.