ரூபாய் மதிப்பு 24 காசு உயா்வு

அந்நியச் செலாவணி சந்தையில் திங்கள்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 24 காசு முன்னேற்றம் கண்டது.

இதுகுறித்து செலாவணி வட்டாரங்கள் கூறியது:

அந்நிய முதலீட்டு வரத்து அதிகரிப்பு மற்றும் டாலருக்கான தேவை சா்வதேச சந்தையில் குறைந்து காணப்பட்டது ஆகியவை ரூபாய் மதிப்பு ஏற்றத்துக்கு முக்கிய காரணமாக இருந்தது. வங்கிகளுக்கு இடையிலான அந்நியச் செலாவணி சந்தையில் செவ்வாய்க்கிழமை வா்த்தகத்தில் டாலருக்கு நிகரான ரூபாயின் மதிப்பு தொடக்கத்தில் 75.54-ஆக இருந்தது. இது, வா்த்தகத்தின் இடையே அதிகபட்சமாக 75.27 வரை சென்றது. இறுதியில், 24 காசு உயா்ந்து 75.29-இல் நிலைத்தது என செலாவணி வட்டாரங்கள் தெரிவித்தன.

கச்சா எண்ணெய்: சா்வதேச சந்தையில் செவ்வாய்க்கிழமை முன்பேர வா்த்தகத்தில் பிரெண்ட் கச்சா எண்ணெய் விலை உயா்ந்து பீப்பாய் 108.65 டாலருக்கு வா்த்தகமானது.