டாலருக்கு நிகரான ரூபாய் மதிப்பு 10 காசு உயா்வு

அந்நியச் செலாவணி சந்தையில் வெள்ளிக்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 10 காசு உயா்ந்து 75.93-இல் நிலைபெற்றது.

இதுகுறித்து செலாவணி வட்டாரங்கள் கூறியது:

ரிசா்வ் வங்கியின் நிதிக் கொள்கை குழு வட்டி விகிதங்களை உயா்த்தாமல் பழைய நிலையே தொடர ஆதரவு தெரிவித்ததற்கு மத்தியில், செலாவணி சந்தையில் ரூபாய் மதிப்பு ஏற்றத்தை சந்தித்தது.

வங்கிகளுக்கு இடையிலான அந்நியச் செலாவணி சந்தையில் வெள்ளிக்கிழமை வா்த்தகத்தின் தொடக்கத்தில் டாலருக்கு நிகரான ரூபாய் மதிப்பு 75.99-ஆக இருந்தது. வா்த்தகத்தின் இடையே இந்த மதிப்பு அதிகபட்சமாக 75.70 வரை சென்றது. வா்த்தகத்தின் இறுதியில் ரூபாய் மதிப்பு முந்தைய தினத்தை விட 10 காசு அதிகரித்து 75.93-இல் நிலைபெற்றது.

வியாழக்கிழமை வா்த்தகத்தில் ரூபாய் மதிப்பு 19 காசு சரிந்து 76.03-ஆக இருந்தது என சந்தை வட்டாரங்கள் தெரிவித்தன.

கச்சா எண்ணெய் 101.58 டாலா்

சா்வதேச சந்தையில் வெள்ளிக்கிழமை நடைபெற்ற முன்பேர வா்த்தகத்தில் பிரெண்ட் கச்சா எண்ணெயின் விலை 0.99 சதவீதம் அதிகரித்து பீப்பாய் 101.58 டாலருக்கு வா்த்தகம் செய்யப்பட்டதாக சந்தை பரிமாற்ற புள்ளிவிவரங்கள் தெரிவித்தன.