எம்&எம் லாபம் ரூ.2,360 கோடி

மஹிந்திரா அண்ட் மஹிந்திரா (எம்&எம்), ஜூன் 30-ஆம் தேதியுடன் முடிவடைந்த முதல் காலாண்டில் ரூ.2,360.70 கோடி ஒட்டுமொத்த நிகர லாபத்தினை பதிவு செய்துள்ளது. அதேசமயம், இதற்கு முந்தைய நிதியாண்டின் இதே ஏப்ரல்-ஜூன் காலகட்டத்தில் நிறுவனத்துக்கு ஏற்பட்ட வரிக்கு பிந்தைய ஒட்டுமொத்த இழப்பு ரூ.331.74 கோடியாக இருந்தது.

மோட்டாா் வாகனம், வேளாண் துறை பிரிவில் நிறுவனத்தின் செயல்பாடு சிறப்பாக அமைந்ததையடுத்து நிகழ் நிதியாண்டின் ஜூன் காலாண்டில் லாபம் குறிப்பிடத்தக்க அளவுக்கு அதிகரித்துள்ளது.

செயல்பாட்டின் மூலமாக ஈட்டிய வருமானம் ரூ.19,171.91 கோடியிலிருந்து உயா்ந்து ரூ.28,412.38 கோடியானது என எம்&எம் பங்குச் சந்தையிடம் வெள்ளிக்கிழமை தெரிவித்துள்ளது.