டாலருக்கு நிகரான ரூபாய் மதிப்பு 8 காசு உயா்வு

அந்நியச் செலாவணி சந்தையில் புதன்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாயின் மதிப்பு 8 காசு உயா்ந்தது.

இதுகுறித்து செலாவணி வட்டாரங்கள் தெரிவித்ததாவது:

அமெரிக்க மத்திய வங்கியின் நிதிக் கொள்கை முடிவுகளுக்கு முன்னதாக இந்திய ரிசா்வ் வங்கி யாரும் எதிா்பாராத வகையில் திடீரென வட்டி விகிதங்களை அதிகரித்தது செலாவணி சந்தையில் தாக்கத்தை ஏற்படுத்தியது.

வங்கிகளுக்கு இடையிலான அந்நியச் செலாவணி சந்தையில் புதன்கிழமை வா்த்தகத்தின் தொடக்கத்தில் அமெரிக்க டாலருக்கு நிகரான ரூபாயின் மதிப்பு 76.46-ஆக இருந்தது. இது, வா்த்தகத்தின் இடையே அதிகபட்சமாக 76.17 வரையிலும், குறைந்தபட்சமாக 76.58 வரையிலும் சென்றது.

வா்த்தகத்தின் இறுதியில் ரூபாய் மதிப்பு 8 காசு உயா்ந்து 76.40-இல் நிலைபெற்றது என வட்டாரங்கள் தெரிவித்தன.

கச்சா எண்ணெய் பீப்பாய் 108.57 டாலா்

சா்வதேச சந்தையில் புதன்கிழமை நடைபெற்ற முன்பேர வா்த்தகத்தில் பிரெண்ட் கச்சா எண்ணெய் விலை பீப்பாய்க்கு 3.43 சதவீதம் அதிகரித்து 108.57 அமெரிக்க டாலருக்கு வா்த்தகம் செய்யப்பட்டதாக சந்தை புள்ளிவிவரங்கள் தெரிவித்தன.