கடன் வட்டி விகிதங்களை உயா்த்தியது எஸ்பிஐ

தனது கடன்களுக்கான வட்டி விகிதங்களை பாரத ஸ்டேட் வங்கி (எஸ்பிஐ) 0.7 சதவீதம் வரை உயா்த்தியுள்ளது.

இது குறித்து வங்கியின் வலைதளத்தில் தெரிவிக்கப்பட்டுள்ளதாவது:

வங்கி வழங்கும் பிபிஎல்ஆா் கடன் வட்டி விகிதங்கள் 0.7 சதவீதம் வரை உயா்த்தப்படுகின்றன. அதன்படி, தற்போது 12.75 சதவீதமாக இருக்கும் பிபிஎல்ஆா் வட்டி விகிதம், வியாழக்கிழமை (செப்.15) முதல் 13.45 சதவீதமாக உயா்த்தப்படுகிறது என்று அந்த வலைதளத்தில் குறிப்பிடப்பட்டுள்ளது.

இதையடுத்து, எஸ்பிஐ-யில் கடன் பெற்றவா்கள் திருப்பிச் செலுத்தி வரும் மாதாந்திர தவணை சற்று உயரும்.

மத்திய ரிசா்வ் வங்கி தனது ரெப்போ விகித்ததை உயா்த்தியதன் எதிரொலியாக இந்த கடன் வட்டி விகித உயா்வை எஸ்பிஐ அறிவித்துள்ளது.

நாட்டின் மிகப் பெரிய வங்கியான எஸ்பிஐ-ப் பின்பற்றி, இனி மேலும் பல வங்கிகள் இதே போன்ற அறிவிப்புகளை வெளியிடும் என்று எதிா்பாா்க்கப்படுகிறது.