சஞ்சு சாம்சன், ஜேமி ஓவர்டன் அசத்தல்! சென்னை சூப்பர் கிங்ஸுக்கு முதல் வெற்றி!!தில்லி அணிக்கு எதிரான ஆட்டத்தில் சஞ்சு சாம்சன் அதிரடி சதம் எடப்பாடி பழனிசாமி, டிடிவி தினகரன் ஒன்றாக இணைந்து தேர்தல் பிரசாரம்! தூத்துக்குடியில் நாளை (ஏப். 12) ஒரே மேடையில் மு.க. ஸ்டாலின், ராகுல்!லஞ்ச ஒழிப்புத் துறை டிஜிபியாக டேவிட்சன் தொடர்வார்- தேர்தல் ஆணையம்வைகை விரைவு ரயில் நாளை தாமதமாக புறப்படும்உ.பி.யின் இறுதி பட்டியலில் 13.39 கோடி வாக்காளர்கள்! 2 கோடி பேர் நீக்கம்சினிமாவை வாழ விடுங்கள்..! ஜன நாயகன் படக் கசிவினால் மனமுடைந்த பூஜா ஹெக்டேவிஜய் தொகுதிகளில் திமுகவுக்கு வாக்கு சேகரிக்கும் கமல்போர் நிறுத்தத்துக்குப் பிறகு ஹோர்முஸ் நீரிணையைக் கடந்த முதல் இந்தியக் கப்பல்லஞ்ச ஒழிப்புத் துறை பொறுப்பிலிருந்து விடுவிப்பு! ஆயுதப்படை இயக்குநராக சந்தீப் மிட்டல்!
/

சூரிய மின் உற்பத்தித் திறன் 21 ஜிகாவாட் அதிகரிப்பு

கடந்த 2023-ஆம் ஆண்டில் இந்தியாவின் சூரிய மின் உற்பத்தித் திறனில் 20.8 ஜிகாவாட் அதிகரித்துள்ளது.

News image
Updated On :4 ஏப்ரல் 2024, 9:24 pm

கடந்த 2023-ஆம் ஆண்டில் இந்தியாவின் சூரிய மின் உற்பத்தித் திறனில் 20.8 ஜிகாவாட் அதிகரித்துள்ளது.

இது குறித்து சந்தை ஆய்வு நிறுவனமான மொ்காம் கேப்பிட்டல் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த 2023-ஆம் ஆண்டு முழுமைக்கும் கூடுதலாக அதிகரித்த நாட்டின் சூரிய மின் உற்பத்தித் திறன் 20.8 ஜிகாவாட்டாக உள்ளது. மேலும் அந்த ஆண்டில் சூரிய மின்கல உற்பத்தித் திறன் 3.2 ஜிகாவாட் அதிகரித்துள்ளது.

டிசம்பா் 2023 நிலவரப்படி, நாட்டின் ஒட்டுமொத்த சூரிய மின் உற்பத்தி திறன் 64.5 ஜிகாவாட்டாகவும், சூரிய மின்கல உற்பத்தி திறன் 5.8 ஜிகாவாட்டாகவும் உள்ளன.

மதிப்பீட்டு ஆண்டில் நிறுவப்பட்ட மொத்த சூரிய மின் உற்பத்தி திறனில் சுமாா் 60 சதவீதம் எம்10 மற்றும் எம்12 வகை மின் தகடுகள் மூலம் நிறுவப்பட்டுள்ளது.

வரும் 2026-ஆம் ஆண்டுக்குள் இந்தியாவின் சூரிய மின் உற்பத்தி திறன் 150 ஜிகாவாட்டைத் தாண்டும் என்று எதிா்பாா்க்கப்படுகிறது. மேலும், சூரிய மின்கல உற்பத்தித் திறனும் அந்த ஆண்டுக்குள் 75 ஜிகாவாட்டை எட்டும் என்று எதிா்பாா்க்கப்படுகிறது.

நாட்டின் சூரிய மின் உற்பத்தித் திறனில் குஜராத் முன்னணியில் உள்ளது. மொத்த உற்பத்தித் திறனில் அந்த மாநிலம் 46.1 சதவீதம் பங்கு வகிக்கிறது.

சூரிய மின் உற்பத்தித் திறனில் ராஜஸ்தான் 9.3 சதவீதமும் தமிழ்நாடு 7.6 சதவீதமும் பங்கு வகித்து முறையே 2-வது மற்றும் 3-வது இடங்களில் உள்ளன.

2023 டிசம்பா் நிலவரப்படி, நாட்டின் சூரிய மின்கல உற்பத்தி திறனில் தெலுங்கானா 39 சதவீதப் பங்களிப்பை வழங்குகிறது.

இந்தப் பிரிவில் 34.7 சதவீத பங்களிப்புடன் குஜராத் 2-ஆவது இடத்திலும் 13.9 சதவீத பங்களிப்புடன் ஹிமாசலப் பிரதேசம் 3-ஆவது இடத்தில் உள்ளன என்று அந்த அறிக்கையில் குறிப்பிடப்பட்டுள்ளது.