தங்கம் விலை குறைவு: இன்றைய நிலவரம்

சென்னையில் ஆபரணத் தங்கத்தின் விலை ஒரு சவரனுக்கு ரூ.120 செவ்வாய்க்கிழமை குறைந்துள்ளது.

கடந்த வார தொடக்கத்தில் ஒரு சவரன் தங்கத்தின் விலை ரூ.55,000-ஐ கடந்த நிலையில், வார இறுதியில் படிப்படியாக குறையத் தொடங்கியது.

நேற்று(திங்கள்கிழமை) தங்கத்தின் விலை சவரனுக்கு ரூ. 80 குறைந்து ரூ.54,600-க்கு விற்பனை செய்யப்பட்டது.

இந்த நிலையில், செவ்வாய்க்கிழமை காலை சவரனுக்கு ரூ.120 குறைந்து ரூ.54,480-க்கும், ஒரு கிராமுக்கு ரூ. 15 குறைந்து ரூ. 6,810-க்கு விற்பனை செய்யப்படுகிறது.

அதேபோல், வெள்ளியின் விலை கிராமுக்கு 40 பைசா குறைந்து ரூ.95.60-க்கும் கட்டி வெள்ளி ஒரு கிலோவுக்கு ரூ. 400 குறைந்து ரூ.95,600-க்கும் விற்பனை செய்யப்படுகிறது.