சரிவுடன் முடிந்த பங்குச் சந்தை!

இந்திய பங்குச் சந்தை நேற்று ஏற்றத்துடம் முடிந்த நிலையில், இன்று (அக். 11) சரிவுடன் நிறைவடைந்தது. வணிக நேர முடிவில் சென்செக்ஸ் 230 புள்ளிகளும் நிஃப்டி 34 புள்ளிகளும் சரிவுடன் இருந்தன.

வாரத்தின் இடையில் சில ஏற்ற இறக்கங்கள் இருந்தாலும், ஒட்டுமொத்தமாக பார்க்கும்போது இரண்டாவது வாரமாக பங்குச்சந்தையில் சென்செக்ஸ், நிஃப்டி சரிவுடனே காணப்பட்டன.

சரிவுடன் தொடங்கிய வணிகம்

மும்பை பங்குச்சந்தை குறியீட்டு எண் சென்செக்ஸ் 230.05 புள்ளிகள் சரிந்து 81,381.36 புள்ளிகளாக நிலைப்பெற்றது. இது மொத்த வணிகத்தில் 0.28 சரிவாகும்.

வணிக நேரத் தொடக்கத்தில் 81,478.49 புள்ளிகளுடன் தொடங்கிய சென்செக்ஸ்,

81,304.15 புள்ளிகள் வரை சரிந்தது. இன்றைய அதிகபட்ச உயர்வே 81,671 புள்ளிகள் என்ற நிலையில் இருந்தது.

சென்செக்ஸ் பட்டியலில் உள்ள முதல் 30 தரப் பங்குகளில் 15 நிறுவனங்களின் பங்குகள் உயர்வுடன் இருந்தன. எஞ்சிய 15 நிறுவனப் பங்குகள் சரிவுடன் காணப்பட்டன.

டிசிஎஸ் பங்குகள் சரிவு

அதிகபட்சமாக எச்சிஎல் நிறுவனப் பங்குகள் 1.72% உயர்ந்திருந்தன. அதற்கு அடுத்தபடியாக டெக் மஹிந்திரா 1.69%, எச்யூஎல் 1.04%, இன்ஃபோசிஸ் 0.84%, டைட்டன் கம்பெனி 0.79%, சன் பார்மா 0.76%, எல்&டி 0.65%, டாடா ஸ்டீல் 0.59% பங்குகள் உயர்ந்திருந்தன.

இதையும் படிக்க | எளிமையே டாடாவின் அடையாளம்!

மேலும், எம்&எம் -1.88%, டிசிஎஸ் -1.85%, ஐசிஐசிஐ வங்கி -1.65%, மாருதி சுசூகி -1.30%, பவர் கிரிட் -1.29%, ஆக்சிஸ் வங்கி -1.00%, ஐடிசி -0.79%, ஏசியன் பெயின்ட்ஸ் -0.72% சரிந்திருந்தன.

டாடா பங்குகள் நேற்று பெரும்பாலும் அதிகரித்திருந்த நிலையில், இன்று டிசிஎஸ் உள்ளிட்டவை சரிவைச் சந்தித்தன.

இதேபோன்று தேசிய பங்குச்சந்தை குறியீட்டு எண் நிஃப்டி, 34.20 புள்ளிகள் குறைந்து 24,964.25 புள்ளிகளில் வர்த்தகம் நிறைவு பெற்றது. மொத்த வணிகத்தில் இது 0.14% சரிவாகும்.

நிஃப்டி பட்டியலில் உள்ள 50 தரப் பங்குகளில் நிஷா மார்டின் 15%, பாந்தன் வங்கி 12%, நிப்பான் லைஃப் 9.20%, திரிவேனி டர்பைன் 6.89%, நியூவெப் டெக்னாலஜிஸ் 6.84%, நெட்வொர்க்18 6.69%, பிஎஸ்இ 6.65%, சொனாட்டா சாஃப்ட்வேர் 6.16% பங்குகள் உயர்ந்திருந்தன.

இதையும் படிக்க | ஜாகுவார் லேன்ட் ரோவர், டாடா-க்கு சொந்தமானது எப்படி?