கோட்டக் வங்கி நிகர லாபம் உயா்வு

மும்பை: தனியாா் துறையைச் சோ்ந்த கோட்டக் வங்கியின் நிகரலாபம் கடந்த செப்டம்பா் காலாண்டில் 13 சதவீதம் உயா்ந்துள்ளது.

இது குறித்து வங்கி வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த செப்டம்பா் மாதத்துடன் நிறைவடைந்த நடப்பு நிதியாண்டின் இரண்டாவது காலாண்டில் வங்கி ரூ.5,044 கோடி ஒருங்கிணைந்த நிகர லாபம் ஈட்டியுள்ளது. முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 13 சதவீதம் அதிகம்.

மதிப்பீட்டுக் காலாண்டில் வங்கியின் தனிப்பட்ட நடவடிக்கைகளின் அடிப்படையிலான நிகர லாபம் 5 சதவீதம் அதிகரித்து ரூ.3,344 கோடியாக உள்ளது.

அந்த மாதங்களில் வங்கியின் நிகர வட்டி வருவாய் 11 சதவீதம் அதிகரித்து ரூ.7,020 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.