ரூ. 75,000 -ஐ நெருங்கும் தங்கம் விலை: இன்றைய நிலவரம்!

சென்னை: சென்னையில் ஆபரணத் தங்கத்தின் விலை செவ்வாய்க்கிழமை சவரனுக்கு ரூ. 600 அதிகரித்துள்ளது.

கடந்த வாரம் ஏற்றத் தாழ்வுடன் காணப்பட்ட தங்கத்தின் விலை வார இறுதி நாளான சனிக்கிழமை, சவரனுக்கு ரூ. 1,120 உயர்ந்து அதிர்ச்சி அளித்தது. ஒரு சவரன் ரூ. 74,320 ஆக விற்பனை செய்யப்பட்டது.

வாரத்தின் முதல் நாளான நேற்று, பெரிய மாற்றமின்றி சவரனுக்கு ரூ. 40 உயர்ந்து, ஒரு சவரன் ரூ. 74,360 -க்கு விற்பனையானது.

இந்த நிலையில், செவ்வாய்க்கிழமை காலை அதிரடியாக சவரனுக்கு ரூ. 600 உயர்ந்துள்ளது. ஒரு கிராம் ரூ. 9,370 -க்கும் ஒரு சவரன் ரூ. 74,960 -க்கும் விற்பனை செய்யப்படுகிறது.

இதேபோல், வெள்ளியின் விலையும் அதிரடியாக கிராமுக்கு ரூ. 2 உயர்ந்துள்ளது. ஒரு கிராம் ரூ. 125 -க்கும், ஒரு கிலோ கட்டி வெள்ளி ரூ. 1,25,000 -க்கும் விற்பனையாகிறது.

இதையும் படிக்க : இந்தியாவை குறி வைப்பதை ஏற்க முடியாது: டிரம்புக்கு வெளியுறவு அமைச்சகம் பதிலடி