சென்செக்ஸ் உயர்வுடன் நிறைவு! வங்கித் துறை பங்குகள் ஏற்றம்! (ஆக. 6)

இந்திய பங்குச் சந்தை வணிகம் இன்று (ஆக. 6) ஏற்றத்துடம் முடிந்தது. ரெப்போ வட்டி விகிதத்தில் எந்தவித மாற்றமும் இல்லை என்ற ரிசர்வ் வங்கி அறிவிப்பால் நேற்று உயர்வுடன் முடிந்த நிலையில், இன்றும் அதன் தாக்கம் பிரதிபலித்துள்ளது.

பொதுத் துறை நிறுவனப் பங்குகள், எண்ணெய் மற்றும் எரிவாயு துறை பங்குகள் உயர்வுடன் ஆதாயப் பட்டியலில் இருந்தன. ஐடி துறை பங்குகள், நிஃப்டி மத்திய தரப் பங்குகள் சரிவுடன் இருந்தன.

மும்பை பங்குச் சந்தை குறியீட்டு எண் சென்செக்ஸ் இன்று காலை 78,782 புள்ளிகளுடன் தொடங்கிய நிலையில், படிப்படியாக 78,633 என்ற புள்ளி அளவுக்கு குறைந்தது.

எனினும் பிற்பகலில் தொடர்ந்து உயர்ந்து அதிகபட்சமாக 78,954.76 புள்ளிகள் வரை உயர்ந்தது. வணிக நேர முடிவில் 373 புள்ளிகள் உயர்ந்து 78,954 புள்ளிகளுடன் வணிகம் நிறைவு பெற்றது.

தேசிய பங்குச் சந்தை குறியீட்டு எண் நிஃப்டி இன்று காலை 24,641 புள்ளிகளுடன் தொடங்கியது. படிப்படியாகக் குறைந்து 24,604 புள்ளிகள் வரை சென்ற நிலையில், வணிக நேர முடிவில் 11.35 புள்ளிகள் உயர்ந்து 24,636 புள்ளிகளுடன் வணிகம் நிறைவு பெற்றது.

சென்செக்ஸ் பட்டியலில் உள்ள முதல் 30 தரப் பங்குகளில் 9 நிறுவனங்களின் பங்குகள் உயர்வுடனும் 11 நிறுவனங்களின் பங்குகள் சரிவுடனும் காணப்பட்டன.

அதிகபட்சமாக ரிலையன்ஸ் நிறுவனப் பங்குகள் 3.52% உயர்ந்திருந்தன. இதற்கு அடுத்தபடியாக எஸ்பிஐ 2.85%, எடர்னல் 1.91%, டைட்டன் கம்பெனி 1.75%, சன் பார்மா 0.57%, ஐசிஐசிஐ வங்கி 0.52%, ஆக்சிஸ் வங்கி 0.17%, எல்&டி 0.12% உயர்ந்திருந்தன.

இதேபோன்று பவர் கிரிட் 3.91%, டாடா ஸ்டீல் 1.92%, டிசிஎஸ் 1.66%, பார்தி ஏர்டெல் 1.52%, இன்டர் குளோப் 1.51%, கோட்டாக் வங்கி 1.50% சரிவுடன் காணப்பட்டன.