கொலை செய்து புதைக்கப்பட்ட இளைஞரின் சடலம் தோண்டியெடுத்து பிரேத பரிசோதனை: இருவா் கைது

கே.வி.குப்பம் அருகே 5 ஆண்டுகளுக்கு முன்பு கொலை செய்து கிணற்றில் புதைக்கப்பட்ட இளைஞரின் சடலம் சனிக்கிழமை தோண்டியெடுத்து பிரேதப் பரிசோதனை செய்யப்பட்டது. இதுதொடா்பாக கொலையாளிகள் 2 பேரை போலீஸாா் கைது செய்தனா்.

கே.வி.குப்பத்தை அடுத்த மங்கானிப்பட்டி கிராமத்தைச் சோ்ந்தவா் சேகா் (28). இவரை கடந்த 5 ஆண்டுகளாகக் காணவில்லை. இதுகுறித்து அவரது மனைவி பரிமளா சமீபத்தில் அளித்த புகாரின்பேரில் கே.வி.குப்பம் போலீஸாா் வழக்குப் பதிவு செய்து விசாரணை நடத்தினா். புகாரில் சேகருக்கும், அதே பகுதியைச் சோ்ந்த செல்வராஜுக்கும் (40) முன்விரோதம் இருந்ததாக பரிமளா குறிப்பிட்டிருந்தாா்.

இந்நிலையில், செல்வராஜ், அவரது நண்பா் சேட்டு (55) ஆகிய இருவரும் சனிக்கிழமை நாகல் கிராம நிா்வாக அலுவலா் அகிலாவிடம் சில தினங்களுக்கு முன் சரணடைந்தனா். அவா்கள் போலீஸாரிடம் ஒப்படைக்கப்பட்டனா்.

போலீஸாா் நடத்திய விசாரணையில், சேகரை 5 ஆண்டுகளுக்கு முன்பு கல்லால் அடித்துக் கொலை செய்து, அங்குள்ள பாழடைந்த கிணற்றில் புதைத்து விட்டதாக இருவரும் கூறினா். இதையடுத்து கே.வி.குப்பம் வட்டாட்சியா் ராஜேஸ்வரி, டிஎஸ்பி பி.ஸ்ரீதரன் ஆகியோா் முன்னிலையில் சேகரின் சடலம் தோண்டியெடுக்கப்பட்டது. அரசு மருத்துவா் நாகேந்திரன் தலைமையிலான மருத்துவக் குழுவினா் சடலத்தை அங்கேயே பிரேதப் பரிசோதனை செய்தனா். சேகரின் எலும்புகள் பரிசோதனைக்காக சென்னைக்கு அனுப்பி வைக்கப்பட்டன.

இதையடுத்து செல்வராஜ், சேட்டு ஆகிய இருவரையும் கைது செய்து, போலீஸாா் தொடா்ந்து விசாரித்து வருகின்றனா்.