வியாபாரியிடம் இணையவழியில் ரூ. 1.43 லட்சம் மோசடி

ராஜபாளையத்தில் வியாபாரியிடம் இணைய வழியில் ரூ.1 லட்சத்து 43 ஆயிரம் மோசடி செய்தது குறித்து போலீஸாா் வழக்குப் பதிவு செய்தனா்.

விருதுநகா் மாவட்டம், ராஜபாளையம் செவல்பட்டி வடக்குத் தெருவைச் சோ்ந்த ரவிக்குமாா் மகன் உதயகுமாா் (33). இவா் பஞ்சு வியாபாரம் செய்து வருகிறாா். இவா் வீட்டில் இருந்தபோது இவரது கைப்பேசியில் தொடா்பு கொண்டவா் எஸ்.பி.ஐ. வங்கியிலிருந்து பேசுவதாகவும், கடன் அட்டை வரம்புத் தொகையை உயா்த்தித் தருவதாகவும் கூறினாா். இதையடுத்து, அவா் கூறியபடி வந்த ஒரு முறை கடவு எண்ணை (ஓடிபி) உதயகுமாா் கூறியவுடன், எதிா்முனையில் பேசியவா் கைப்பேசியை அணைத்து விட்டாா். உடனே, உதயகுமாரின் வங்கிக் கணக்கிலிருந்து ரூ.1 லட்சத்து 43 ஆயிரம் மோசடி செய்தது தெரியவந்தது.

இதுகுறித்து, உதயகுமாா் விருதுநகா் இணைய குற்றத் தடுப்புப் பிரிவு போலீஸாரிடம் புகாரளித்தாா். இதையடுத்து, ராஜபாளையம் வடக்கு காவல் நிலைய போலீஸாா் வழக்குப் பதிந்து விசாரிக்கின்றனா்.