நான் - ஸ்டிக் பராமரிப்பு

நான்- ஸ்டிக் பாத்திரங்களை கவனமாக நல்ல முறையில் பராமரித்து வந்தால், நீண்ட நாள்கள் பயன்படுத்தலாம். இதற்கான ஆலோசனைகள்:

மிதமான தீயில்தான் பயன்படுத்த வேண்டும்.

உபயோகிக்கும் முன்பும் பின்பும் மிருதுவான துணி அல்லது ஸ்பாஞ்ச் கொண்டு துடைக்க வேண்டும்.

உபயோகிப்பதற்கு முன்பு சமையல் எண்ணெயை தடவுவது அவசியம்.

ஸ்டீஸ், இரும்புக் கரண்டிகளைப் பயன்படுத்தக் கூடாது, மரம், பிளாஸ்டிக் கரண்டிகளைப் பயன்படுத்துவது சிறந்தது.

சாதாரண பாத்திரங்களுடன் சேர்த்து நான்-ஸ்டிக் பாத்திரங்களைக் கழுவக் கூடாது.

உபயோகித்தவுடன் சோப் தண்ணீரைக் கொண்டு சுத்தம் செய்தால், எண்ணெய் பிசுக்கு சேராமல் தடுக்கும். கண்டிப்பாக கரகரப்பான பௌடர்களைப் பயன்படுத்தக் கூடாது.