சாலை விதி!

சாலையின் குறுக்கே ஓடாதே

சற்றும் அவசரம் காட்டாதே

மேலே கீழே பார்க்காதே

மீறி வீதியைக் கடக்காதே!

பட்டம் விடுதல் விளையாட்டு - நடை

பாதையில் விட்டால் வினையாகும்

சட்டம் விதிகளைப் பின்பற்று - இதை

சாரா தோரை நீவிரட்டு!

வாகனம் ஓட்டிச் செல்கையிலே - நீ

வலது, இடது பார்த்துச்செல்

காவலர் தருகின்ற குறியதனை - தினம்

கவனத்துடனே கேட்டுக்கொள்!

நிற்றல் என்பது சிவப்பு நிறம் - இதை

நன்றாய் உணர்ந்தால் நன்மை வரும்

கற்க; பச்சை புறப்படுதல் - இதை

கருத்தாய் அறிவீர் திறம்படவே!

தகவல் பலகை பார்த்துக் கொள் - தினம்

தவறா(த) வழியில் நீயும் செல்

பகலோ இரவோ எதுவென்றாலும்

பாதை விதியை மதித்து நில்!