சிறுத்தைக்குக் கல்யாணம்

காட்டிலே சிறுத்தைக்குக் கல்யாணம்!

 கரடியின் வீட்டிலே ஊர்கோலம்!

 வீட்டுக்கு வீடு உற்சாகம்!

 விருந்துக்கு மேசையில் அலங்காரம்!

 சிங்க ராஜா தலைமையிலே-

 சிறுத்தை மாலை மாற்றியதாம்!

 தங்க நிறத்துப் புலிவந்து-

 தாலி எடுத்துக் கொடுத்ததுவாம்!

 யானைகள் மத்தளம் முழங்கிற்று!

 குரங்குகள் மங்களம் வழங்கிற்று!

 பூனைகள் ஒத்து ஊதிற்று!

 குருவிகள் இசையைப் பாடிற்று!

 சாப்பாடெல்லாம் தடபுடலாம்!

 சம்பந்தி வீட்டார் செலவுகளாம்!

 மாப்பிள்ளை சிறுத்தை சாப்பிட்டதும்-

 மகிழ்வாய் அனைவரும் அமர்ந்தனராம்!

 கையில் வெற்றிலை தட்டெடுத்து

 கிளியும் எலியும் தந்ததுவாம்!

 மொய்யை வாங்கி மூட்டையிலே-

 முயலும் குதிரையும் கட்டியதாம்!