குழந்தைப் பாடல்!: குண்டு மாங்காய்!

குண்டு மாங்காய் கிளையிலே!
கல்லால் அடிச்சு எடுத்து வா!
உடைத்த மாங்காய் புளிப்புதான்!
உப்பு சேர்த்துத் தின்னலாம்!

நல்ல கத்தி கொண்டு வா
நறுக்கிப் போடு சின்னதாய்!
சிவந்த மிளகாய் உறைப்புக்கு 
சீரகம் போடு மணத்துக்கு

எல்லாம் சேர்த்துக் குலுக்கிக்கோ
எனக்கு உனக்குப் பிரிச்சுக்கோ!
காரம், புளிப்பு கடிச்சுக்கோ!
கண்ணீர் வந்தா துடைச்சுக்கோ!