காலைச் சூரியமனே...

காலைச் சூரியனே! உலகின்

கண்ணைத் திறப்பவனே!

மூலை முடுக்கெல்லாம்- இன்ப

மகிழ்ச்சி விரிப்பவனே!

நேற்று மாலையிலே- மிதக்கும்

நட்பு மேகமதில்

மேற்கே நீ மறைந்தாய் - இன்று

முளைத்தாய் நேர்கிழக்கே

எங்குச் சென்றிருந்தாய்- இரவில்

என்ன செய்திருந்தாய்?

தங்கிப் பால் குடித்து- சற்று

தூங்கி வந்தாயா?

அம்மா அழைத்தாரா? உனது

அன்பர் இழுத்தாரா?

சும்மா படுத்திருந்து - கனவு

சுகமும் பெற்றாயா?

நிலவாம் மகளுக்காய்- கண்ணா

மூச்சு ஆட்டத்தில்

தலையை மறைத்தொளித்து- பிறகு

தோன்றி மகிழ்ந்தாயா?