பிரதமர் மோடியுடனான நல்லுறவை பெரிதும் மதிக்கிறார் ஒபாமா: வெள்ளை மாளிகை

சர்வதேச அளவில் பொருளாதார வாய்ப்புகளை உருவாக்கும் பொருட்டு இந்தியப் பிரதமர் மோடியுடனான நல்லுறவை ஒபாமா பெரிதும் மதிக்கிறார் என வெள்ளை மாளிகை தெரிவித்துள்ளது.

வெள்ளை மாளிகையின் உதவி செய்தித் தொடர்பாளர் எரிக் ஸ்கல்ட்ஜ் கூறுகையில், சர்வதேச அளவில் பல்வேறு விஷயங்களில் இந்தியாவுடன் இணைந்து செயல்பட அமெரிக்க அதிபர் ஒபாமா விருப்பம் கொண்டுள்ளார்.

மோடியின் செயல்பாடுகள் திருப்தியளிப்பதாக இருப்பதால், அவருடன் இணைந்து, இரு நாட்டு உறவை வலுப்படுத்தவும், சர்வதேச முன்னேற்றத்துக்கான நடவடிக்கைகளை முன்னெடுக்கவும் ஒபாமா விருப்பத்துடன் உள்ளார் என்றும் அவர் தெரிவித்தார்.

இதில்லாமல், இந்தியாவுடன் இணைந்து செயல்படுவதற்கான நடவடிக்கைகளை மேற்கொள்வதற்கென, வெள்ளை மாளிகையில் தனியாக ஒரு குழுவே அமைக்கப்பட்டுள்ளது என்றும் அவர் தெரிவித்துள்ளார்.