உலகளவில் கரோனாவுக்கு இதுவரை 1,84,248 பேர் பலி

உலகம் முழுவதும் கரோனாவால் பலியானவர்களின் எண்ணிக்கை ஒரு லட்சத்து 85 ஆயிரத்தை நெருங்கியுள்ளது. 

சீனாவில் கண்டறியப்பட்ட கரோனா வைரஸ் தற்போது உலகம் முழுவதும் 210 நாடுகளில் பரவி மக்களை உலுக்கி வருகிறது. வைரஸ் தாக்கத்தைக் கட்டுப்படுத்த முடியாமல் அனைத்து நாடுகளும் திணறி வருகின்றன. 

இந்நிலையில், கரோனா வைரஸுக்கு உலகளவில் 2,638,477 பேர் பாதிக்கப்பட்டுள்ளனர். அதேசமயம் அந்த வைரஸால் 1,84,248 பேர் பலியாகியுள்ளனர். அதேசமயம் நிலையில் 7,21,997 பேர் குணமடைந்துள்ளனர்.

மேலும், வல்லரசு நாடான அமெரிக்கா கரோனாவால் கடும் பாதிப்பைச் சந்தித்துள்ளது. அமெரிக்காவில் அதிகபட்சமாக கரோனா வைரஸால் 8,49,092 பேர் பாதிக்கப்பட்டுள்ளனர். 47,681 பேர் பலியாகி உள்ளனர்.

இந்தியாவில் 21 ஆயிரத்து 450 பேர் கரோனாவுக்கு பாதிக்கப்பட்டுள்ளனர். 681 பேர் பலியாகியுள்ளனர்.