ரஷியாவில் புதிதாக 5,189 பேருக்கு கரோனா: 77 பேர் பலி

மாஸ்கோ: ரஷியாவில் கடந்த 24 மணிநேரத்தில் புதிதாக 5,189 பேருக்கு கரோனா தொற்று உறுதி செய்யப்பட்டுள்ளது. 77 பேர் உயிரிழந்தனர்.

பல்வேறு நாடுகளில் கரோனா வைரஸ் தொற்று நாளுக்கு நாள் அதிகரித்து வருகிறது. அந்தவகையில் ரஷியாவிலும் கரோனா பாதிப்பு உயர்ந்துள்ளது.

இது தொடர்பாக ரஷிய சுகாதாரத்துறை சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளதாவது, ரஷியாவில் புதிதாக 5,189 பேருக்கு கரோனா உறுதியாகியுள்ளது. இதனால் மொத்த கரோனா பாதிப்பு 8,87,536-ஆக அதிகரித்துள்ளது. நாட்டில் 84 மாகாணங்களில் கரோனா பரவியுள்ளது. 1,382 பேருக்கு அறிகுறிகள் இல்லாமல் கரோனா தொற்று உறுதி செய்யப்பட்டுள்ளது. கடந்த 24 மணிநேரத்தில் 77 பேர் உயிரிழந்தனர். இதனால் மொத்த உயிரிழப்பு 14,931-ஆக அதிகரித்துள்ளது. அங்கு கரோனா பரவல் விகிதம் 0.6%-ஆக உள்ளது என்று தெரிவிக்கப்பட்டுள்ளது.