பைடன் மருத்துவக் குழுவில் சர்ஜன் ஜெனரலாக மருத்துவர் விவேக் மூர்த்தி தேர்வு

அமெரிக்க அதிபர்(தேர்வு) பைடனின் மருத்துவக்குழுவில் இந்திய வம்சாவளியைச் சேர்ந்த டாக்டர் விவேக் மூர்த்தி சர்ஜன் ஜெனரலாக நியமிக்க பரிந்துரைக்கப்பட்டுள்ளார். 

இந்திய - அமெரிக்க மருத்துவரான விவேக் மூர்த்தி அமெரிக்க பொது சுகாதார அமைப்பின் துணைத் தலைவராக இருந்தார். இந்நிலையில் அமெரிக்க அதிபர் தேர்தலில் வெற்றி பெற்றுள்ள ஜோ பைடன்,  கரோனா தடுப்பு சிறப்பு மருத்துவக்குழுவை உருவாக்கியுள்ளார். இதில் இந்திய வம்சாவளி அமெரிக்க மருத்துவர் விவேக் மூர்த்தி மற்றும் தமிழகத்தின் ஈரோடு மாவட்டத்தைச் சேர்ந்த செலின் கவுண்டர் ஆகியோர் இடம்பெற்றுள்ளனர்.

மருத்துவர் விவேக் மூர்த்தி, சர்ஜன் ஜெனரலாக பைடனின் மருத்துவக் குழுவில் இடம்பெறுகிறார். 

அமெரிக்க மருத்துவராக டாக்டர் விவேக் மூர்த்தி எபோலா மற்றும் ஸிகா வைரஸ்கள், ஓபியாய்டு நெருக்கடி மற்றும் அமெரிக்கர்களின் உடல், மன அழுத்தம், தனிமையின் அச்சுறுத்தல் உள்ளிட்ட பல சுகாதார பிரச்னைகளுக்கு அவர் தீர்வு தந்துள்ளார். 

மேலும், டாக்டர் ரோசெல் வலென்ஸ்கி நோய்க்கட்டுப்பாடு மற்றும் தடுப்பு மையங்களின் இயக்குநராகவும், கரோனா செயல்பாட்டின் தலைவராக டாக்டர் மார்செல்லா நுனேஸ் ஸ்மித் ஆகியோரும் பைடன் குழுவில் பரிந்துரைக்கப்பட்டுள்ளனர்.