வணிகவரி நிலுவைத் தொகையை செலுத்த சலுகை திட்டம்: கடைசி தேதி நீட்டிப்பு

வணிகவரி நிலுவைத் தொகையை செலுத்துவதற்கான சலுகை திட்டத்தின் கடைசி தேதியை கா்நாடக அரசு நீட்டித்துள்ளது.

இதுகுறித்து கா்நாடக அரசு வெளியிட்டுள்ள செய்திக் குறிப்பு:

மத்திய அரசு அறிமுகம் செய்துள்ள சரக்கு மற்றும் சேவை வரிக்கு முன் கா்நாடக விற்பனை வரிச்சட்டம்-1957, கா்நாடக மதிப்புக் கூட்டுவரி-2003, மத்திய விற்பனைவரிச் சட்டம், 1956, கா்நாடக தொழில்முறையாளா், வணிகா்கள், வேலைகள் சட்டம்-1976, கா்நாடக ஆடம்பரவரிச் சட்டம்-1979, கா்நாடக வேளாண் வருமானவரிச் சட்டம்-1957, கா்நாடக கேளிக்கைவரிச் சட்டம்-1958, கா்நாடக சரக்கு நுழைவுவரிச் சட்டம்-1979 ஆகியவை அமலில் இருந்தன. இந்த சட்டங்களை அமல்படுத்தும் பணி வணிகவரித் துறையிடம் இருந்தது.

சரக்கு மற்றும் சேவைவரி(ஜிஎஸ்டி) அமல்படுத்தப்படுவதற்கு முன்பாக அமலில் இருந்த வணிக வரிகளில் நிலுவைத் தொகையை வைத்திருந்தோா், அவற்றை செலுத்துவதற்கு சலுகை திட்டமான ‘கரசமாதானா திட்டம்-2021’-ஐ கா்நாடக அரசு வகுத்துள்ளது. இந்தத் திட்டத்தில் நிலுவைத் தொகை மீதான அனைத்து வகையான அபராதம், வட்டியில் சில சலுகைகள் அளிக்கப்பட்டுள்ளன.

நிலுவை வரித் தொகையை செலுத்த ஆக. 31-ஆம் தேதி வரை வாய்ப்பளிக்கப்பட்டிருந்தது. வணிகா்களின் வேண்டுகோளுக்கு இணங்க நிலுவைத் தொகை செலுத்துவதற்கான கடைசி தேதி டிச. 31-ஆம் தேதி வரை நீட்டிக்கப்படுகிறது. இந்தத் திட்டத்தில் அரசு அறிவித்துள்ள சலுகைகளின் அடிப்படையில் நிலுவை வரித் தொகையை ட்ற்ற்ல்://ஸ்ரீற்ஹஷ்.ந்ஹழ்.ய்ண்ஸ்ரீ.ண்ய், ட்ற்ற்ல்://ஞ்ள்ற்.ந்ஹழ்.ய்ண்ஸ்ரீ.ண்ய் ஆகிய இணையதளங்களில்செலுத்தலாம் என அதில் தெரிவிக்கப்பட்டுள்ளது.