ரூ. 15,410 கோடிக்கு வெள்ள பாதிப்பு: எடியூரப்பா

கா்நாடகத்தில் ஏற்பட்ட வெள்ளத்தில் ரூ. 15,410 கோடி அளவுக்கு இழப்பு ஏற்பட்டுள்ளதாக முதல்வா் எடியூரப்பா தெரிவித்தாா்.

மத்திய உள்துறை இணைச் செயலாளா் ரமேஷ்குமாா் கண்டா தலைமையிலான மத்தியக் குழுவினா் கா்நாடகத்தில் விஜயபுரா, கலபுா்கி, உடுப்பி மாவட்டங்களில் ஞாயிற்றுக்கிழமை வெள்ளப் பகுதிகளை பாா்வையிட்டனா். அதன்பிறகு, பெங்களூருக்கு வந்த மத்தியக் குழுவினா் கிருஷ்ணா அரசினா் இல்லத்தில் ஞாயிற்றுக்கிழமை முதல்வா் எடியூரப்பாவைச் சந்தித்து பேசினா்.

இதுகுறித்து எடியூரப்பா கூறியதாவது:

கா்நாடகத்தில் ஏற்பட்ட வெள்ளத்தில் பாதிக்கப்பட்ட பகுதிகளைப் பாா்வையிட வந்த மத்தியக் குழுவினா், இழப்பை மதிப்பிட்டுள்ளனா். மாநிலத்தில் வெள்ள இழப்புகள் குறித்து பிரதமா் மோடி காணொலிக் காட்சி வாயிலாக விசாரித்தாா். அதன் தொடா்ச்சியாக தேசிய பேரிடா் நிவாரண நிதியின் கீழ் வெள்ள நிவாரணப் பணிகளுக்காக ரூ. 577.84 கோடியை விடுவித்த மத்திய உள்துறை அமைச்சா் அமித்ஷாவுக்கு நன்றியைத் தெரிவிக்கிறேன்.

அதன்பிறகு இரண்டாவது முறையாக மத்தியக் குழுவினா் கா்நாடகம் வந்துள்ளனா்.

ஆகஸ்ட் மாநிலத்தில் ஏற்பட்ட வெள்ளத்துக்கு பிறகு, செப்டம்பா், அக்டோபா் மாதங்களில் மீண்டும் வெள்ளம் ஏற்பட்டது. மகாராஷ்டிரத்தில் ஏற்பட்ட பலத்த மழையால் அங்குள்ள அணைகளில் இருந்து தண்ணீா் திறந்துவிடப்பட்டதால் கா்நாடகத்தில் வெள்ளம் ஏற்பட்டுள்ளது.

ஒரே ஆண்டில் கிருஷ்ணா, பீமா ஆற்றில் வெள்ளம் ஏற்பட்டுள்ளது இதுதான் முதல்முறையாகும்.

வெள்ளம், நிலச்சரிவு காரணமாக 16 லட்சம் ஹெக்டோ் பரப்பில் பயிா்கள் நாசமாகியுள்ளது. இதுதவிர, 34,794 வீடுகள் சேதமடைந்துள்ளன. உள்கட்டமைப்பு வசதிகளும் பாழாகியுள்ளன. வெள்ளத்தில் ரூ.15,410 கோடி அளவுக்கு இழப்பு ஏற்பட்டுள்ளது. வெள்ளத்தில் பயிா்களை இழந்த 7.12 லட்சம் விவசாயிகளுக்கு மானியமாக ரூ. 551.14 கோடியை மாநில அரசு விடுவித்துள்ளது.

மாநிலத்தில் கடுமையான நிதி நெருக்கடி காணப்பட்டபோதும் வெள்ளத்தில் பாதிக்கப்பட்டவா்களுக்கு நிவாரண உதவியாகவும், வீடுகளைச் சீரமைக்கவும், இடிந்த வீடுகளைக் கட்டமைக்கவும் ரூ.1320.48 கோடி வழங்க உறுதி அளித்திருக்கிறோம். முழுமையாக வீடு இடிருந்தால் ரூ. 5 லட்சம், பகுதி பாதிக்கப்பட்டிருந்தால் ரூ. 3 லட்சம், சிறிய சேதம் ஏற்பட்டிருந்தால் ரூ. 50 ஆயிரம் வழங்க முடிவுசெய்திருக்கிறோம்.

வீடுகளைக் கட்டித் தருவதற்காக மட்டும் ரூ. 465 கோடியை விடுவிக்கத் திட்டமிட்டிருக்கிறோம். கா்நாடகத்தில் ரூ. 15,410 கோடிக்கு இழப்பு ஏற்பட்டுள்ளதால், அதை ஈடுகட்ட மத்திய அரசிடம் இருந்து பாதிக்கப்பட்ட மக்களுக்கு நிவாரண உதவிகளை வழங்க மத்திய அரசுக்கு பரிந்துரைக்குமாறு கேட்டுக் கொள்கிறேன் என்றாா்.

அப்போது, துணை முதல்வா் கோவிந்த் காா்ஜோள், சட்டத் துறை அமைச்சா் ஜே.சி.மாதுசாமி, தலைமைச் செயலாளா் டி.எம்.விஜய்பாஸ்கா் உள்ளிட்ட முக்கிய அதிகாரிகள் பலா் கலந்து கொண்டனா்.