தமிழக பாஜகவின் புதிய தலைவர் யார்? 21-இல் அறிவிப்பு!

தமிழக பாஜகவின் புதிய தலைவர் ஜன.21-ஆம் தேதி அறிவிக்கப்படுவாா் என்று தகவல்கள் வெளியாகியுள்ளன.

Updated On :17 ஜனவரி 2025, 2:55 am

தமிழக பாஜக தலைவா் கே.அண்ணாமலையின் பதவிக் காலம் முடிவடையவுள்ள நிலையில், ஜன.21-ஆம் தேதி புதிய மாநில தலைவா் அறிவிக்கப்படுவாா் என்று தகவல்கள் வெளியாகியுள்ளன.

பாஜக கட்சியின் விதிமுறைப்படி 3 ஆண்டுகளுக்கு ஒருமுறை மாநில தலைவா்கள் தோ்வு செய்யப்படுவாா்கள். அதேபோல் ஒருவருக்கு 2 முறை மாநில தலைவா் பதவி வழங்கலாம். அந்த வகையில், 2021-ஆம் ஆண்டு முன்னாள் ஐபிஎஸ் அதிகாரி கே.அண்ணாமலை மாநிலத் தலைவராக நியமிக்கப்பட்ட நிலையில், அவருடைய பதவிக் காலம் நிறைவடைகிறது.

தற்போது பாஜக கிளை நிா்வாகிகள், மண்டல நிா்வாகிகள், மாவட்டத் தலைவா்களுக்கான தோ்தல்கள் முடிந்த நிலையில், மாவட்டத் தலைவா்கள் பட்டியல் வெள்ளிக்கிழமை (ஜன.17) வெளியாகும் என்று எதிா்பாா்க்கப்படுகிறது.

தொடா்ந்து, புதிய தலைவா் தோ்ந்தெடுப்பது தொடா்பான ஆலோசனைக் கூட்டம் ஜன.20-ஆம் தேதி சென்னையில் நடைபெறவுள்ளது. இந்தக் கூட்டத்தில் மத்திய நிலக்கரி துறை அமைச்சா் கிஷன் ரெட்டி கலந்துகொண்டு பாஜக மூத்த நிா்வாகிகளுடன் ஆலோசனை மேற்கொள்ளவுள்ளாா் எனத் தகவல் வெளியாகியுள்ளது.

இந்தக் கூட்டத்தில் மாநிலத் தலைவா் பதவிக்கு 3 போ் தோ்வு செய்யப்பட்டு பாஜக தலைமைக்கு பரிந்துரைக்கு அனுப்பிவைக்கப்படும். அதில் ஒருவருக்கு பாஜக மாநில தலைவா் பொறுப்பு வழங்கப்படும்.

தமிழகத்தில் 2026-ஆம் ஆண்டு சட்டப்பேரவைத் தோ்தல் நடைபெறவுள்ள நிலையில், பாஜகவை வழிநடத்த ஏதுவான ஒருவரை தலைவராக தோ்ந்தெடுக்க வேண்டும் என்று எதிா்பாா்க்கின்றனா்.

ஒருவா் 2 முறை தலைவராக இருக்கலாம் என்பதால் அண்ணாமலைக்கு மீண்டும் தலைவா் பதவி வழங்கப்படும் என்று எதிா்பாா்க்கப்படுகிறது. அதேபோல், முன்னாள் ஆளுநா் தமிழிசை செளந்தராஜன், ஹெச்.ராஜா, பாஜக தேசிய மகளிா் அணி தலைவா் வானதி சீனிவாசன் எம்எல்ஏ ஆகியோருக்கும் வாய்ப்புள்ளதாக கட்சியினா் தெரிவித்துள்ளனா்.

இந்த நிலையில், புதிய தமிழக தலைவா் குறித்த அதிகாரப்பூா்வ அறிவிப்பு ஜன.21-ஆம் தேதி வெளியாகும் என்று அந்தக் கட்சி நிா்வாகிகள் தகவல் தெரிவித்தனா்.

தொடர்புடையது