தமிழக - ஆந்திர மாநில எல்லையில் கரோனா பரிசோதனை தீவிரம்: பயணிகளுக்கு கட்டாயம்

கரோனா தொற்று தீவிரமாக பரவுவதைத் தடுக்க வேலூா் மாவட்டத்தின் தமிழக - ஆந்திர எல்லை சோதனைச் சாவடிகளில் வாகனங்களில் வருவோருக்கு கரோனா பரிசோதனை தீவிரப்படுத்தப்பட்டுள்ளது. தவிர, ஆந்திர மாநில பேருந்துகளில் வரும் பயணிகளுக்கும் பரிசோதனை கட்டாயமாக்கப்பட்டுள்ளது.

ஆந்திரம், கா்நாடகம், புதுச்சேரி மாநிலங்களில் இருந்து தமிழகம் வருவோருக்கு இ-பாஸ் கட்டாயமில்லை. இதனைத் தவிர மற்ற மாநிலங்களில் இருந்து வருபவா்கள் கட்டாயமாக இ-பாஸ் பெற்று வர வேண்டும் என்று தமிழக அரசு அறிவித்துள்ளது.

இதைத்தொடா்ந்து, காட்பாடி கிறிஸ்டியான்பேட்டை, சோ்க்காடு, குடியாத்தம், போ்ணாம்பட்டு, பத்தலபல்லி பகுதிகளிலுள்ள ஆந்திர எல்லையோர சோதனைச் சாவடியில் சுகாதாரத் துறையினா், காவல் துறையினா் சனிக்கிழமை காலை முதல் தீவிர கண்காணிப்புப் பணிகளை மேற்கொண்டனா். அப்போது, ஆந்திரம் தவிர மற்ற மாநிலங்களில் இருந்து இ-பாஸ் அனுமதி பெற்று வரும் வாகனங்கள் மட்டுமே தமிழக எல்லைக்குள் அனுமதிக்கப்பட்டன.

அதேசமயம், வேலூா், ஆந்திர மாநிலம் சித்தூா், திருப்பதி இடையே வழக்கம்போல் பேருந்து போக்குவரத்து இயக்கப்படுகிறது. ஆந்திர மாநில வாகனங்கள் அனுமதிக்கப்படுகின்றன. ஆந்திரத்தில் இருந்து வருபவா்களு க்கு சுகாதாரத் துறை சாா்பில் தொ்மல் ஸ்கேனா் கருவி கொண்டு உடல் வெப்ப நிலை பரிசோதிக்கப்படுகிறது.

மாவட்ட எல்லையிலேயே பேருந்துகளில் பயணம் செய்பவா்களுக்கும் கரோனா பரிசோதனை செய்வதற்காக உமிழ்நீா் மாதிரி எடுக்கப்பட்டதுடன், அவா்களது முழு விவரமும் சேகரிக்கப்படுகின்றன.