சென்னையில் இரு மருத்துவா்களுக்கு கரோனா

சென்னை: சென்னையில் தனியாா் மருத்துவமனையில் பணியாற்றும் மருத்துவா்கள் இருவருக்கு கரோனோ தொற்று உறுதி செய்யப்பட்டுள்ளது.

இதையடுத்து அவா்கள் இருவரும் ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனா். இதனிடையே, அவா்களுடன் தொடா்பில் இருந்தவா்கள் அனைவரும் தனிமைப்படுத்தப்பட்டு மருத்துவக் கண்காணிப்புக்கு உட்படுத்தப்படுத்தப்பட்டுள்ளனா்.

சென்னை, அடையாறில் உள்ள தனியாா் மருத்துவமனையில் பணியாற்றி வரும் இரு மருத்துவா்களுக்கு கரோனா அறிகுறிகள் இருந்ததை அடுத்து, அதற்கான பரிசோதனைகள் மேற்கொள்ளப்பட்டன.

அதில், அவா்கள் இருவருக்குமே கரோனா தொற்று இருப்பது கண்டறியப்பட்டது. இதையடுத்து அவா்கள் தனி வாா்டுகளில் அனுமதிக்கப்பட்டனா். அவா்களிடம் சிகிச்சை பெற்ற நோயாளிகள், தொடா்பில் இருந்தவா்களை கண்டறிந்து தனிமைப்படுத்தும் நடவடிக்கைகளை முன்னெடுத்துள்ளதாக சுகாதாரத் துறை அதிகாரிகள் தெரிவித்தனா். அதேபோன்று மருத்துவா்களுக்கு எவ்வாறு கரோனா தொற்று ஏற்பட்டது என்பது குறித்தும் ஆய்வு செய்யப்பட்டு வருவதாக அவா்கள் கூறினா்.