வடகிழக்கு பருவமழை முன்னேற்பாடு பணிகள்: 9 முக்கிய துறைகளுடன் செப். 19-இல் முதல்வா் ஆலோசனை

வடகிழக்கு பருவமழை தொடங்கவுள்ள நிலையில், வெள்ளத் தடுப்புக்கான முன்னேற்பாட்டுப் பணிகள் குறித்து 9 முக்கிய துறைகளுடன் முதல்வா் மு.க.ஸ்டாலின் ஆலோசனை நடத்தவுள்ளாா். சென்னை தலைமைச் செயலகத்தில் வரும் 19-ஆம் தேதி நடைபெறும் இந்த ஆலோசனை கூட்டத்தில் சம்பந்தப்பட்ட துறைகளின் அமைச்சா்கள், செயலா்கள், அரசுத் துறைகளின் தலைவா்கள் உள்ளிட்ட பலா் பங்கேற்கவுள்ளனா்.

தமிழகத்தில் அக்டோபா் இறுதியில் வடகிழக்கு பருவமழை தொடங்கும் என எதிா்பாா்க்கப்படுகிறது. பருவமழையை எதிா்கொள்ள அரசுத் துறைகள் தயாராகி வருகின்றன.

தலைமைச் செயலா்: பருவமழையால் பாதிப்புகள் இருக்கும் எனக் கருதப்படும் சூழலில், அதனை எதிா்கொள்ள துறை வாரியாக தலைமைச் செயலா் சிவ்தாஸ் மீனா தொடா்ந்து ஆய்வுகளை மேற்கொண்டு வருகிறாா். தலைமைச் செயலகத்தில் புதன்கிழமை நடந்த ஆலோசனைக் கூட்டத்தில் வருவாய் உள்ளிட்ட முக்கிய துறைகளின் செயலா்கள் கலந்து

கொண்டனா். இந்தக் கூட்டத்தில் பருவமழையை எதிா்கொள்வதற்காக மேற்கொள்ளப்பட்டு வரும் முன்னெச்சரிக்கை நடவடிக்கைகள் குறித்து விவாதிக்கப்பட்டது.

முதல்வா் ஆலோசனை: பருவமழைக்கான முன்தயாரிப்பு ஆலோசனைக் கூட்டம் முதல்வா் மு.க.ஸ்டாலின் தலைமையிலும் நடைபெறவுள்ளது. தலைமைச் செயலகத்தில் வரும் 19-ஆம் தேதி நடைபெறவுள்ள ஆலோசனைக் கூட்டத்தில் 9 முக்கிய துறைகளின் அமைச்சா்கள் பங்கேற்கவுள்ளனா். குறிப்பாக, நீா்வளம், நகராட்சி நிா்வாகம் மற்றும் குடிநீா் வழங்கல் துறை, ஊரக வளா்ச்சி மற்றும் ஊராட்சித் துறை, பொதுப்பணி-நெடுஞ் சாலை, வேளாண்மை, மக்கள் நல்வாழ்வு, மின்சாரம், வருவாய், சிறப்புத் திட்டங்கள் செயலாக்கம் ஆகிய துறைகளின் அமைச்சா்கள், அதிகாரிகள் கூட்டத்தில் பங்கேற்கவுள்ளனா். இத்துடன், சென்னை, திருவள்ளூா், செங்கல்பட்டு, காஞ்சிபுரம் மாவட்டங்களின் ஆட்சியா்கள், மாநகராட்சி ஆணையா்கள், அதிகாரிகள் உள்ளிட்ட பலரும் கலந்து கொள்ளவுள்ளனா்.

கடந்த ஆண்டுகளில் ஏற்பட்ட அனுபவத்தைப் போன்று, இந்த ஆண்டு ஏற்படக் கூடாது என்பதற்காக சென்னை மற்றும் அதன் அண்டை மாவட்டங்களில் வெள்ளத் தடுப்புப் பணிகள் நடைபெற்று வருகின்றன. இந்தப் பணிகளை விரைந்து முடிக்க தலைமைச் செயலா் சிவ்தாஸ் மீனா ஏற்கெனவே உத்தரவிட்டுள்ளாா். முதல்வா் தலைமையில் நடைபெறும் கூட்டத்திலும் அதுகுறித்த அறிவுறுத்தல் வழங்கப்படும் என எதிா்பாா்க்கப்படுகிறது.

குறிப்பாக, சென்னையின் புகா்ப் பகுதிகளில் மேற்கொள்ளப்பட்டு வரும் வெள்ளத் தடுப்புப் பணிகளில் தீவிர கவனம் செலுத்தப்பட்டு வருகிறது. இந்தப் பணிகளின் நிலவரங்கள் தொடா்பாக முதல்வா் ஆய்வு செய்யவுள்ளாா்.