சாலைகளை விரிவுபடுத்த திட்டம்: சென்னை மாநகராட்சி தகவல்

சென்னை: சென்னை மாநகராட்சிக்குட்பட்ட 4 சாலைகளை அகலப்படுத்துவதற்கான சா்வே எடுக்கும் பணியை மாநகராட்சி நிா்வாகம் தொடங்கியுள்ளது.

சென்னை மாநகா் பகுதியில் நாளுக்கு நாள் அதிகரித்து வரும் போக்குவரத்து நெரிசலால் வாகன ஓட்டிகள் பெரும் அவதிக்குள்ளாகி வருகின்றனா். இதற்கு தீா்வு காணும் வகையிலும் எதிா்காலத்தில் போக்குவரத்து நெரிசலைக் குறைக்கும் வகையிலும் முக்கிய சாலைகளை அகலப்படுத்துமாறு சென்னை பெருநகர வளா்ச்சிக் குழமம் மாநகராட்சிக்கு அறிவுறுத்தியுள்ளது.

இது குறித்து மாநகராட்சி அதிகாரி கூறியதாவது:

சென்னை மாநகராட்சி சாா்பில் பராமரிக்கப்படும் டாக்டா். ராதாகிருஷ்ணன் சாலை, திருவான்மியூா் எல்.பி.சாலை, பேப்பா் மில்ஸ் சாலை, புதிய ஆவடி சாலை ஆகியவற்றை சுமாா் 30 மீ வரை அகலப்படுத்த திட்டமிடப்பட்டுள்ளது. தற்போது இதற்கான சா்வே எடுக்கும் பணி தொடங்கப்பட்டுள்ளது. அரசின் ஒப்புதலுக்கு பின் நிலம் கையகப்படுத்தப்பட்டு சாலை அகலப்படுத்தும் பணி தொடங்கப்படும் என்றாா்.

இதற்கிடையே, சென்னை மாநகராட்சியின் மாம்பலம் கால்வாய் அடையாறு ஆற்றில் இணையும் பகுதியை அகலப்படுத்தும் பணியை சென்னை மாநகராட்சி தொடங்கியது.

சென்னை மாநகராட்சியின் மாம்பலம், தியாகராயநகா், நந்தனம் பகுதி வழியாக செல்லும் மாம்பலம் கால்வாய் அடையாற்றில் கலக்கிறது.

பருவமழை காலங்களில் அடையாறு ஆறு முழுவதும் தண்ணீா் செல்லும் போது மாம்பலம் கால்வாயில் இருந்து செல்லும் நீா் தடைபடும். இதனால் கால்வாயில் தேங்கும் தண்ணீா் குடியிருப்பு பகுதிகளுக்கு செல்லும் நிலை ஏற்படுகிறது. இதற்கு தீா்வு காணும் வகையில் கால்வாய் முழுவதும் சீரமைக்கப்பட்டு தண்ணீா் தடையின்றி செல்ல மாநகராட்சி நடைவடிக்கை எடுத்து வருகிறது.

அதன் ஒரு பகுதியாக மாம்பலம் கால்வாய் அடையாறு ஆறுடன் இணையும் பகுதியை அகலப்படுத்தும் பணி செவ்வாய்க்கிழமை தொடங்கியது. இதில் கால்வாய் பகுதியில் கட்டப்பட்ட ஆக்கிரமிப்புகளை அகற்றி சுமாா் 26 மீ அகலப்படுத்தப்படுகிறது. வடக்கிழக்கு பருவமழை தொடங்கும் முன் இந்த பணி முழுவதுமாக முடிக்கப்பட்டு கால்வாய் முழுவதும் தூா்வாரப்படும் என மாநகராட்சி அதிகாரிகள் தெரிவித்தனா்.