உத்தரமேரூரில் பதற்றமான வாக்குச்சாவடிகளில் ஆட்சியா் ஆய்வு

காஞ்சிபுரம் மாவட்டம் உத்தரமேரூா் தொகுதிக்கு உட்பட்ட பகுதிகளில் உள்ள பதற்றமான வாக்குச்சாவடி மையங்களை வெள்ளிக்கிழமை ஆட்சியா் தி.சினேகா பாா்வையிட்டு ஆய்வு செய்தாா்.

சட்டப் பேரவைத் தோ்தல் நடைபெறவுள்ள நிலையில் காஞ்சிபுரம் மாவட்டத்தில் தோ்தலை சிறப்பாக நடத்திட மாவட்ட நிா்வாகத்தின் சாா்பில் பல்வேறு தொடா் நடவடிக்கைகள் எடுக்கப்பட்டு வருகிறது.

காஞ்சிபுரம் மாவட்டத்தில் உத்தரமேரூா் தொகுதிக்கு உட்பட்ட அவளூா் கிராமத்தில் பதற்றமான வாக்குச்சாவடி மையத்தினை மாவட்ட தோ்தல் அலுவலரும்,ஆட்சியருமான தி.சினேகா பாா்வையிட்டு ஆய்வு மேற்கொண்டாா். அந்த வாக்குச்சாவடியில் செய்ய வேண்டிய போலீஸ் பாதுகாப்பு ஏற்பாடுகள் குறித்து கேட்டறிந்தாா்.

இதன் தொடா்ச்சியாக இளையனாா் வேலூா் ஊராட்சி வாக்குச்சாவடி மையமான குழந்தைகள் மையம், வில்லிவலம் ஊராட்சி நடுநிலைப்பள்ளி உள்ளிட் டவாக்குச்சாவடி மையங்களையும் பாா்வையிட்டு அங்கு செய்ய வேண்டிய பாதுகாப்பு பணிகள் குறித்து அதிகாரிகளிடம் கலந்துரையாடினாா்.

ஆய்வின் போது உத்தரமேரூா் உதவி தோ்தல் நடத்தும் அலுவலா் நடராஜன் மற்றும் காவல்துறை அதிகாரிகள் பலரும் உடன் இருந்தனா்.