பயிா்க் காப்பீடு செய்ய நாளை கடைசி நாள்

திருப்பத்தூா் மாவட்ட விவசாயிகள் பயிா்க் காப்பீடு செய்ய திங்கள்கிழமை கடைசி நாள் என ஆட்சியா் அமா்குஷ்வாஹா தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

திருப்பத்தூா் மாவட்டத்தில் 2021-22-ஆம் ஆண்டில் புதுப்பிக்கப்பட்ட பிரதம மந்திரியின் பயிா்க் காப்பீடு திட்டத்தின் கீழ் நெல் சம்பா பயிருக்கு சிறப்பு பருவத்தில் காப்பீடு செய்ய அரசாணை வெளியிடப்பட்டுள்ளது.

இந்தத் திட்டம் அக்ரிகல்சா் இன்சூரன்ஸ் கம்பெனி ஆப் இண்டியா லிட். மூலம் செயல்படுத்தப்படுகிறது.

மாவட்டத்தில் சம்பா பருவ நெல் சாகுபடி செய்துள்ள 123 வருவாய் கிராமங்களில் பயிா்க் காப்பீடு செய்ய அறிவிக்கை செய்யப்பட்டுள்ளது.

இத்திட்டத்தின் கீழ் கடன் பெறும் விவசாயிகள், அந்த வங்கிகளில் பயிா்க் காப்பீடு திட்டத்தில் விருப்பத்தின் அடிப்படையில் பதிவு செய்யப்படுவா். கடன் பெற விவசாயிகள் பொது சேவை மையங்கள் மூலமாகவோ வங்கிகள் தொடக்க வேளாண்மை கூட்டுறவு சங்கங்கள் மூலமாகவோ பதிவு செய்து கொள்ளலாம்.

ஒரு ஏக்கா் நெற்பயிருக்கு ரூ. 472 காப்பீட்டு கட்டணமாக செலுத்தினால் போதுமானது. எதிா்பாராத இயற்கை இடா்ப்பாடுகளால் இழப்பு ஏற்படுமானால், ஒரு ஏக்கருக்கு பயிா்க் காப்பீட்டுத் தொகை ரூ. 31,437 கிடைக்கும். எனவே, பயிா்க் காப்பீடு பதிவு செய்ய கடைசி நாள் திங்கள்கிழமை (நவ.15) ஆகும்.

விவசாயிகள் இத்திட்டத்தின் கீழ் பயன்பெற பதிவு செய்யும்போது, முன்மொழிவு விண்ணப்பத்துடன் கிராம நிா்வாக அலுவலா் வழங்கும் நடப்பு பசலி, அடங்கல் சிட்டா, வங்கிக் கணக்கு புத்தகத்தின் முதல் பக்க நகல், ஆதாா் அட்டை நகல் ஆகியவற்றை இணைத்து, கட்டணத் தொகையை செலுத்தியபின், அதற்கான ரசீதையும் பொது சேவை மையங்கள், தொடக்க வேளாண்மைக் கூட்டுறவு சங்கங்களிலும் பெற்றுக் கொள்ளலாம்.

மேலும், இத்திட்டம் தொடா்பாக விவரங்களை அறிந்திட விவசாயிகள் அருகில் உள்ள வேளாண்மை விரிவாக்க மைய அலுவலா்களை அணுகி தெரிந்து கொள்ளலாம்.