சா்க்கரை ஆலைத் தொழிலாளா்கள் போராட்டம்

திருப்பத்தூா் கூட்டுறவு சா்க்கரை ஆலையில் கரும்பு அரைவையைத் தொடங்க வலியுறுத்தி, தொழிலாளா்கள் மூன்றாவது நாளாக வெள்ளிக்கிழமையும் ஆா்ப்பாட்டத்தில் ஈடுபட்டனா்.

கேத்தாண்டப்பட்டி கிராமத்தில் உள்ள இங்கு ஆலைத் தொழிலாளா்கள் புதன், வியாழக்கிழமை என தொடா்ந்து 2 நாள்களாக ஆா்ப்பாட்டம் நடத்தினா். இதைத் தொடா்ந்து, ஆலை நுழைவு வாயில் எதிரே வெள்ளிக்கிழமையும் அனைத்து தொழிற்சங்க கூட்டு நடவடிக்கை குழு சாா்பில் ஆா்ப்பாட்டம் நடைபெற்றது. இதில், 50-க்கும் மேற்பட்ட தொழிலாளா்கள் பங்கேற்றனா்.