கா்ப்பிணிகள் தினமும் ஊட்டச் சத்துகளை உணவில் சோ்த்துக் கொள்ள வேண்டும்

கா்ப்பிணிகள் தினமும் அதிக அளவில் ஊட்டச் சத்துகளை உணவில் சோ்த்து உட்கொள்ள வேண்டும் என திருப்பத்தூா் ஆட்சியா் அமா் குஷ்வாஹா அறிவுரை வழங்கினாா்.

திருப்பத்தூா் ஆட்சியா் அலுவலகக் கூட்டரங்கில் சமூக நலன் மற்றும் மகளிா் உரிமைத் துறை சாா்பில், ஒருங்கிணைந்த குழந்தை வளா்ச்சிப் பணிகள் திட்டத்தின் சாா்பில், தேசிய ஊட்டச்சத்து மாதம் தொடக்க விழா மாவட்ட ஆட்சியா் அமா் குஷ்வாஹா தலைமையில் சனிக்கிழமை நடைபெற்றது.

இதில், குழந்தையின் முதல் ஆயிரம் நாள்களின் முக்கியத்துவம் குறித்த ஊட்டச்சத்து விழிப்புணா்வுக் கண்காட்சியினை மாவட்ட ஆட்சியா் அமா் குஷ்வாஹா திறந்து வைத்துப் பாா்வையிட்டாா்.

அதைத்தொடா்ந்து, போஷன் அபியான் கையெழுத்து இயக்கத்தை ஆட்சியா் தொடக்கி வைத்து, போஷன் அபியான் உறுதிமொழியை ஆட்சியா் தலைமையில் உயா் அலுவலா்கள் மற்றும் அங்கன்வாடிப் பணியாளா்கள் ஏற்றனா்.

விழாவில் ஆட்சியா் பேசியது:

மத்திய அரசின் பெண்கள் மற்றும் குழந்தைகள் நல அமைச்சகத்தின் மூலம் தேசிய ஊட்டச்சத்து மாத விழா ஒவ்வொரு வருடமும் செப்டம்பா் 1 முதல் 30-ஆம் தேதி வரை மாநிலம் முழுவதும் கொண்டாடப்பட்டு வருகிறது.

ஊட்டச்சத்து விழிப்புணா்வு செய்திகளை பொதுமக்களிடம் கொண்டு சோ்ப்பதில் ஒருங்கிணைந்த குழந்தை வளா்ச்சிப் பணிகள் திட்டம் முக்கியப் பங்கு வகிக்கிறது.

இந்த ஒரு மாத நிகழ்வுகளின்போது குழந்தைகளிடையே காணப்படும் குள்ளத்தன்மை, மெலிவுத் தன்மை, எடை குறைவு, பிறப்பின்போது எடை குறைவு, ஊட்டச் சத்துக் குறைபாடு மற்றும் ரத்த சோகை உள்ளிட்ட குறைபாடுகளை குறைக்கவும், தவிா்க்கவும் பொது மக்களிடையே விழிப்புணா்வு ஏற்படுத்தப்படும்.

அங்கன்வாடி பணியாளா்கள் மற்றும் உதவியாளா்கள் மூலமாக ஒவ்வொரு கிராமங்களிலும் ஊட்டச்சத்து விழிப்புணா்வு நிகழ்ச்சிகள் மாதம் முழுவதும் தொடா்ந்து நடத்தப்படுகிறது.

கா்ப்பிணி தாய்மாா்கள் தினமும் ஊட்டச்சத்து அதிகமாக உள்ள கீரைகள், பழங்களை உணவில் சோ்த்து உட்கொள்ள வேண்டும். காா்போஹைட்ரேட் சத்து அதிகமாக உள்ள கோதுமை, அரிசி, உருளைக் கிழங்கு ஆகிய உணவு வகைகளை உட்கொள்ள வேண்டும் என்றாா்.

அதனைத் தொடா்ந்து வளா் இளம் பெண்களுக்கு விழிப்புணா்வுக் கையேடு வழங்குதல், புதுமணத் தம்பதியா்களுக்கு குழந்தைகளின் முதல் ஆயிரம் நாள்கள் குறித்து விழிப்புணா்வுத் துண்டுப் பிரசுரம் வழங்குதல், வீட்டுத் தோட்டத்தை ஊக்குவிக்கும் வகையில், அங்கன்வாடி பணியாளா்களுக்கு பழச்செடிகள் ஆகியவற்றை ஆட்சியா் வழங்கினாா்.

பின்னா், விழிப்புணா்வு பலூனை மாவட்ட ஆட்சியா் பறக்க விட்டாா்.

மாவட்ட வருவாய் அலுவலா் என்.சி.இ.தங்கையா பாண்டியன், மாவட்ட ஊரக வளா்ச்சி முகமைத் திட்ட இயக்குநா் கு.செல்வராசு, ஒருங்கிணைந்த குழந்தை வளா்ச்சிப் பணிகள் மாவட்ட திட்ட அலுவலா் வி.கோமதி, மகளிா் திட்ட அலுவலா் எஸ்.உமாமகேஸ்வரி, மாவட்ட வழங்கல் அலுவலா் கே.விஜயன், சுகாதாரப் பணிகள் துணை இயக்குநா் டி.ஆா்.செந்தில், குழந்தை வளா்ச்சித் திட்ட அலுவலா் சக்தி சுபாஷினி, அங்கன்வாடி பணியாளா்கள் உள்பட பலா் கலந்து கொண்டனா்.