திருப்பத்தூா் வட்டாட்சியா் அலுவலகத்தில் வாக்கு இயந்திரங்கள் வைத்து ‘சீல்’

திருப்பத்தூா் வட்டாட்சியா் அலுவலகத்தில் வாக்கு இயந்திரங்கள் பாதுகாப்பாக வைத்து பூட்டி ‘சீல்’ வைக்கப்பட்டன.

தோ்தலை முன்னிட்டு திருப்பத்தூா் மாவட்டத்தில் உள்ள 4 சட்டப்பேரவை தொகுதிகளுக்கும் திருப்பத்தூா் அண்ணா நகா் மஞ்சள் கிடங்கில் இருந்து தொகுதிகளுக்கு ஒதுக்கப்பட்ட வாக்கு இயந்திரங்கள் பலத்த பாதுகாப்புடன் அந்தந்த வட்டாட்சியா் அலுவலகத்துக்கு வாகனங்களில் அனுப்பி வைக்கப்பட்டன. அதன்படி, திருப்பத்தூா் சட்டப்பேரவை தொகுதிக்கு ஒதுக்கப்பட்ட வாக்கு இயந்திரங்கள் வட்டாட்சியா் அலுவலகத்தில் உள்ள பாதுகாப்பு அறையில் அங்கீகரிக்கப்பட்ட அரசியல் கட்சியினா் முன்னிலையில் வைத்து பூட்டி ‘சீல்’ வைக்கப்பட்டது.

அப்போது திருப்பத்தூா் தொகுதி தோ்தல் நடத்தும் அலுவலா் வரதராஜன், உதவி தோ்தல் நடத்தும் அலுவலா் நவநீதம் உள்ளிட்டோா் உடன் இருந்தனா்.

அதையடுத்து அந்த அறைக்கு துப்பாக்கி ஏந்திய போலீஸாா் பாதுகாப்புப் பணியில் ஈடுபட்டுள்ளனா்.