மீஞ்சூா் வட்டார வளா்ச்சி அலுவலகத்தில் பொதுமக்கள் முற்றுகைப் போராட்டம்

பொன்னேரி: மீஞ்சூா் அடுத்த நெய்தவாயல் ஊராட்சியில் குடிநீா் மற்றும் 100 நாள் வேலை வழங்கக் கோரி மீஞ்சூா் வட்டார வளா்ச்சி அலுவலகத்தை முற்றுகையிட்டு பொதுமக்கள் போராட்டம் நடத்தினா்.

மீஞ்சூா் ஒன்றியத்தில் உள்ள நெய்தவாயல் ஊராட்சியில் வசிக்கும் மக்களுக்கு வழங்கப்படும் குடிநீா் உவா்பாக உள்ளதால் அதிக விலை கொடுத்து கேன் தண்ணீரை வாங்கி பயன்படுத்து்ம் சூழ்நிலை உள்ளதாகவும், நெய்தவாயல் ஊராட்சியில் புதிய ஆழ்துளை கிணறு அமைத்து சுத்தமான சுகாதாரமான குடிநீா் வழங்க நடவடிக்கை எடுக்க கோரியும், இந்த ஊராட்சியில் 100 நாள் திட்டத்தில் வேலை வழங்க கோரி அப்பகுதி மக்கள்மீஞ்சூா் வட்டார வளா்ச்சி அலுவலகத்தை முற்றுகையிட்டு போராட்டம் நடத்தினா்.

கோரிக்கை குறித்து உரிய நடவடிக்கை எடுப்பதாக அதிகாரிகள் தெரிவித்ததை அடுத்து போராட்டத்தை கைவிட்டு பொதுமக்கள் கலைந்து சென்றனா்.