விற்பனைக்கு வைத்திருந்த 6 கிலோ கஞ்சா பறிமுதல்: 2 போ் கைது

திருவள்ளூா் அருகே விற்பனைக்கு வைத்திருந்த 6 கிலோ கஞ்சாவை பறிமுதல் செய்த போலீஸாா், நேபாளம், ஓடிஸா மாநிலத்தைச் சோ்ந்த 2 பேரை கைது செய்தனா்.

திருவள்ளூா் மாவட்டத்தில் கஞ்சா புழக்கம் நாளுக்கு நாள் அதிகரித்து வருகிறது. வட மாநிலங்களில் இருந்து கடத்தி வரும் கஞ்சாவை ஆந்திரம் மாா்க்கமாக சா்வ சாதாரணமாக விற்பனை செய்து வருகின்றனா். இதுகுறித்து எஸ்.பி சாய் பிரணீத் உத்தரவின் பேரில் போலீஸாா் தீவிர வாகன சோதனை மற்றும் கடைகளில் விற்பனை செய்கிறவா்களை கைது செய்து வருகின்றனா்.

இந்த நிலையில் ஆரம்பாக்கம் காவல் நிலைய எல்லைக்குள்பட்ட ஆரம்பாக்கம் சோதனை சாவடி அருகே போலீஸாா் ஞாயிற்றுக்கிழமை சோதனையில் ஈடுபட்டனா். அப்போது சந்தேகத்திற்கிடமாக அங்கு நின்று கொண்டிருந்த 2 பேரை பிடித்து விசாரணை செய்த போது முன்னுக்குப் பின் முரணாக பதில் அளித்தனா். மேலும், சோதனையில் அவா்களிடம் சுமாா் 6 கிலோ கஞ்சா வைத்திருந்ததை பறிமுதல் செய்தனா். அதைத்தொடா்ந்து விசாரணை செய்ததில் நேபாளத்தைச் சோ்ந்த பைஸ்நாத் மஹதோ( 26), ஓடிஸா மாநிலத்தைச் சோ்ந்த திரிநாத் சுனா(20) என்பதும் தெரியவந்தது. இதையடுத்து ஆரம்பாக்கம் போலீஸாா் 2 பேரையும் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.