வேளாண் துறையினர் விழிப்புணர்வுப் பேரணி

செய்யாறு வட்டம், நர்மாபள்ளம் கிராமத்தில் அனக்காவூர் வட்டார வேளாண் துறை சார்பில், மண்வள அட்டை பரிந்துரையின்படி உரமிடுதல் குறித்த விழிப்புணர்வுப் பேரணி செவ்வாய்க்கிழமை நடைபெற்றது.
பேரணிக்கு வேளாண் உதவி இயக்குநர் (பொ) வே.சத்தியமூர்த்தி தலைமை வகித்தார். இதில், மாவட்ட வேளாண் இணை இயக்குநர் அலுவலக தரக்கட்டுப்பாடு உதவி இயக்குநர் (பொ) திரு.நா.பெரியசாமி பங்கேற்று, மண்வள அட்டையைப் பயன்படுத்தி உரமிடுதல் குறித்து விவசாயிகளிடையே தெரிவித்தார்.
அட்மா திட்ட வட்டார தொழில்நுட்ப மேலாளர் த.ந.ஆனந்த் குமார், மண் மாதிரி சேகரிப்பு, மண்வள பாதுகாப்பு குறித்தும், தேத்துறை தொகுதி உதவி வேளாண் அலுவலர் குமார், மண்ணில் உள்ள நுண்ணூட்ட, பேரூட்ட சத்துக்களின் பயன்பாடு குறித்தும் தெரிவித்து விழிப்புணர்வு ஏற்படுத்தினர். ஏற்பாடுகளை அட்மா திட்ட உதவி தொழில்நுட்ப மேலாளர்கள் ச.ஜெயராஜ், ம.ஜெனிபர் 
ஆகியோர் செய்திருந்தனர்.