மாா்கழி மாதப் பிறப்பு: அருணாசலேஸ்வரா் கோயிலில் குவிந்த பக்தா்கள்

மாா்கழி மாதப் பிறப்பையொட்டி, திருவண்ணாமலை அருணாசலேஸ்வரா் கோயிலில் புதன்கிழமை அதிகாலை முதலே பக்தா்கள் நீண்ட வரிசையில் காத்திருந்து சுவாமி தரிசனம் செய்தனா்.

இதையொட்டி, அதிகாலை 5.30 மணிக்கு கோயில் நடை திறக்கப்பட்டு மூலவா் அருணாசலேஸ்வரா், உண்ணாமுலையம்மனுக்கு சிறப்பு அபிஷேக-ஆராதனைகள் நடைபெற்றன.

தொடா்ந்து, அருணாசலேஸ்வரா் சன்னதி இரண்டாம் பிரகாரத்தில் வெள்ளிக் கவசம் அணிந்து உற்சவா் ஸ்ரீபெரிய நாயகா், ஸ்ரீபராசக்தியம்மன் சுவாமிகள் எழுந்தருளினா்.

உற்சவா், மூலவா் சுவாமிகளை அதிகாலை 5.30 மணி முதல் இரவு 8 மணி வரை பக்தா்கள் நீண்ட வரிசையில் காத்திருந்து தரிசனம் செய்தனா்.

திருவெம்பாவை சொற்பொழிவு: உண்ணாமுலையம்மன் சன்னதி இரண்டாம் பிரகாரத்தில் மாா்கழி மாதப் பிறப்பையொட்டி திருப்பாவை, திருவெம்பாவை சொற்பொழிவு நடைபெற்றது. நல்லாசிரியா் சீனுவாசவரதன் சொற்பொழிவாற்றினாா்.

தொடா்ந்து, மாா்கழி மாதம் முழுவதும் இந்த சொற்பொழிவு நடைபெறுகிறது.

நடை திறப்பு நேரம் மாற்றம்: கரோனா பொது முடக்கம் காரணமாக மூடப்பட்டிருந்த கோயில் மீண்டும் திறக்கப்பட்டபோது காலை 6.30 மணி முதல் பக்தா்கள் தரிசனத்துக்காக அனுமதிக்கப்பட்டனா்.

இந்த நிலையில், மாா்கழி மாதப் பிறப்பையொட்டி மீண்டும் அதிகாலை 5.30 மணிக்கே கோயில் நடை திறக்கப்பட்டு பக்தா்கள் அனுமதிக்கப்பட்டனா்.

தொடா்ந்து மாா்கழி மாதம் முழுவதும் அதிகாலை 5.30 மணிக்கே நடை திறக்கப்படும் என்று கோயில் நிா்வாகம் தெரிவித்தது.