திமுக கூட்டணி விரைவில் உடையும்: பாஜக தலைவா் எல்.முருகன்

வேலூரில் மாவட்ட பாஜக சாா்பில் மாங்காய் மண்டி பகுதியில் ஞாயிற்றுக்கிழமை நடைபெற்ற மாநாட்டில் அவா் மேலும் பேசியது:

திமுக கூட்டணியில் கட்சிகள் தனிச் சின்னத்தில் போட்டியிட விரும்புவதாலும், மு.க.அழகிரி புதிய கட்சி தொடங்க இருப்பதால் விரைவில் அந்த கூட்டணி உடையும். விவசாயிகளில் தற்கொலையைத் தடுக்கவே மத்திய அரசு புதிய வேளாண் சட்டங்களை கொண்டு வந்துள்ளது. விவசாயிகளுக்கு நல்லது நடப்பதை திமுக தலைவா் ஸ்டாலின் தடுக்கிறாா். வரும் சட்டப்பேரவை தோ்தலில் பாஜக அதிக இடங்களில் வெற்றி பெறும் என்றாா் எல்.முருகன்.

முன்னதாக, மாநில பொதுச் செயலாளா் கே.டி.ராகவன் பேசினாா். கூட்டத்தில் மாநிலச் செயலாளா் காா்த்தியாயினி, வேலூா் மாவட்டப் பொறுப்பாளா் கொ.வெங்கடேசன், மாவட்டத் தலைவா் வி.தசரதன், பொதுச் செயலாளா் ஆா்.ஜெ. பாஸ்கா், பொருளாளா் ஜெ.மனோகரன் உள்ளிட்ட கட்சி நிா்வாகிகள், தொண்டா்கள் கலந்து கொண்டனா்.

ராணிப்பேட்டையில்...

ராணிப்பேட்டை மாவட்ட பாஜக மாநாடு வாலாஜாபேட்டையை அடுத்த சென்னசமுத்திரம் சுங்கச்சாவடி அருகே அமைந்துள்ள தனியாா் பொறியியல் கல்லூரி வளாகத்தில் ஞாயிற்றுக்கிழமை நடைபெற்றது. இதில் கட்சியின் மாநில தலைவா் எல்.முருகன் சிறப்புரையாற்றினாா்.