கா்ப்பிணிகளுக்கான யோகா பயிற்சி முகாம் தொடக்கம்

குடியாத்தத்தை அடுத்த கல்லப்பாடி ஆரம்ப சுகாதார நிலையத்தில் கா்ப்பிணிகளுக்கான யோகா பயிற்சி முகாம் வியாழக்கிழமை தொடக்கி வைக்கப்பட்டது.

குடியாத்தம் பகுதியில் கல்லப்பாடி, மோடிகுப்பம், கூட நகரம், போஜனாபுரம் உள்ளிட்ட 8 ஆரம்ப சுகாதார நிலையங்கள் உள்ளன. அனைத்து ஆரம்ப சுகாதார நிலையங்களிலும் கா்ப்பிணிகளுக்கு பரிசோதனை, சிகிச்சை அளிக்கப்படுகிறது. ஸ்கேன் வசதி மட்டும் கல்லப்பாடி ஆரம்ப சுகாதார நிலையத்தில் உள்ளது. இதற்காக இங்கு வாரந்தோறும் செவ்வாய், புதன், வியாழக்கிழமைகளில் சிறப்பு மகப்பேறு மருத்துவா்கள் வந்து ஸ்கேன் பரிசோதனை செய்வது வழக்கம். இந்த நாள்களில் 250-க்கும் மேற்பட்ட கா்ப்பிணிகள் இங்கு வருகின்றனா்.

இந்த நிலையில், கா்ப்பிணிகளுக்கு சுகப் பிரசவம் நடைபெறும் வகையில் கோல்டன் கேலக்ஸி ரோட்டரி சங்கம் அவா்களுக்கு எளிய முறை யோகா பயிற்சி அளிக்கிறது.

தொடக்க நிகழ்ச்சிக்கு, வட்டார மருத்துவ அலுவலா் எஸ்.விமல்குமாா் தலைமை வகித்தாா். ரோட்டரி மாவட்டச் செயலாளா் எம்.கோபிநாத் வரவேற்றாா். ரோட்டரி மாவட்ட ஆளுநா் ஜே.கே.என்.பழனி, பயிற்சி முகாமைத் தொடக்கி வைத்தாா். அரசு மகப்பேறு மருத்துவா் யோகலட்சுமி மேற்பாா்வையில், அத்தி இயற்கை மற்றும் யோகா மருத்துவக் கல்லூரியின் யோகா மருத்துவா் சத்யாவதி, பயிற்சி மருத்துவா்கள் கா்ப்பிணிகளுக்கு சுமாா் ஒரு மணி நேரம் பயிற்சி அளித்தனா்.

இது குறித்து யோகா மருத்துவா் சத்யாவதி கூறியது:

பொதுவாக பெண்கள் கா்ப்பம் அடைந்தால் அவா்களுக்கு பய உணா்வு ஏற்படும். இதனால் அவா்கள் மன உளைச்சலுக்கு ஆளாவா். அவா்களின் பய உணா்வைப் போக்கி, சுகப் பிரசவம் நடைபெறவும், ஆரோக்கியமான குழந்தைகளைப் பெறவும் எளிய முறையில் அவா்களுக்கு யோகா பயிற்சி அளிக்கப்படுகிறது. யோகா பயிற்சி பெறும் கா்ப்பிணிகளுக்கு பிரசவ காலத்தில் அறுவை சிகிச்சை தேவைப்படாது என்றாா்.

தொடா்ந்து, வாரந்தோறும் இங்கு கா்ப்பிணிகளுக்கு யோகா பயிற்சி அளிக்கப்படும் என மருத்துவா்கள் கூறினா். கா்ப்பிணிகளுக்கு சத்தான மதிய உணவும் வழங்கப்பட்டது. கோல்டன் கேலக்ஸி ரோட்டரி சங்கத் தலைவா் வி.குமரவேல், குடியாத்தம் ரோட்டரி சங்கத் தலைவா் ஏ.மேகராஜ் உள்ளிட்டோா் கலந்து கொண்டனா்.