தபால் நிலையத்தில் பணிபுரியும் தினக்கூலி ஊழியா்களுக்கு நிதியுதவி

கோவை தலைமை தபால் நிலையத்தில் பாா்சல்களை தரம் பிரித்து அனுப்பும் தினக்கூலி ஊழியா்களுக்கு தபால் ஊழியா்கள் சாா்பில் நிதியுதவி அளிக்கப்பட்டது.

கோவை குட்ஷெட் சாலையில் உள்ள தலைமை தபால் நிலையத்துக்கு வரும் பாா்சல் தபால்களைத் தரம் பிரித்து அனுப்ப 40க்கும் மேற்பட்டோா் தினக்கூலி தொழிலாளா்கள் வேலை செய்து வருகின்றனா். இவா்களுக்கு கமிஷன் அடிப்படையில் கூலித்தொகை வழங்கப்பட்டு வருகிறது.

இந்நிலையில், ஊரடங்கு அமல்படுத்தப்பட்டுள்ளதால் பாா்சல்கள் அனுப்பும் பணி பாதிக்கப்பட்டுள்ளது. இதனால் தலைமை தபால் நிலையத்தில் வேலை செய்யும் தினக்கூலி தொழிலாளா்கள் வருமானமின்றித் தவித்து வருகின்றனா். இதைத் தொடா்ந்து, கோவை கோட்ட முதுநிலை அஞ்சல் கண்காணிப்பாளா் சுதிா் கோபால் ஜாகரே முயற்சி மேற்கொண்டு, தபால் ஊழியா்களிடம் ரூ. 61,000 நிதி வசூலித்து, அந்நத் தொகையை முதுநிலை அஞ்சல் அதிகாரியிடம் புதன்கிழமை வழங்கினாா். இந்தத் தொகை, தலைமை தபால் நிலையத்தில் வேலை செய்யும் தினக்கூலி தொழிலாளா்களுக்கு பிரித்து வழங்கப்பட்டது.

இந்நிகழ்சியில், தபால் எழுத்தா்கள் சங்க மண்டலச் செயலாளா் என். சிவசண்முகம் உள்ளிட்ட தபால் ஊழியா்கள் சங்க நிா்வாகிகள் பலா் கலந்து கொண்டனா்.