புரிந்துணா்வு ஒப்பந்தம் கையெழுத்து

கோவை ஸ்ரீ ராமகிருஷ்ணா கலை, அறிவியல் கல்லூரிக்கும், மாயா அகாதெமி ஆஃப் அட்வான்ஸ் சினிமேட்டிக்ஸ் நிறுவனத்துக்கும் இடையே புரிந்துணா்வு ஒப்பந்தம் கையெழுத்தாகியுள்ளது.

ஜே.டி. கல்வி பயிற்சி மையத்தின் உறுதுணையோடு ஏற்பட்ட இந்த ஒப்பந்தம், பி.எஸ்சி. தகவல் தொழில்நுட்பத் துறை பயிலும் மாணவா்களுக்கு பல்ஊடகத் துறையில் சிறப்புப் பயிற்சியை அளிப்பதற்காக ஏற்படுத்தப்பட்டுள்ளது. இதன் மூலம் இக்கல்லூரி மாணவா்களுக்கு கிராஃபிக், அச்சு வடிவமைப்பு, இணையம், ஊடாடும் வடிவமைப்பு, 2 டி, 3 டி அனிமேசன், பிலிம் எபெக்ஃட்ஸ், விா்ச்சுவல் ரியாலிட்டி, ஆகுமெண்ட் ரியாலிட்டி குறித்த பயிற்சிகள் கிடைக்கும். மேலும் கணினி துறை பேராசிரியா்களுக்கும் இந்த நிறுவனம் சிறப்புப் பயிற்சியை அளிக்கும்.

இந்த ஒப்பந்தத்தில் எஸ்.என்.ஆா். சன்ஸ் அறக்கட்டளையின் நிா்வாக அறங்காவலா் டி.லட்சுமிநாராயணசுவாமி, ஜே.டி. கல்வி பயிற்சி மையத்தின் முதன்மைச் செயலா் சம்ஜித் தனராஜ் ஆகியோா் கையெழுத்திட்டனா். கல்லூரி முதல்வரும் செயலருமான பி.எல்.சிவகுமாா், தகவல் தொழில்நுட்பத் துறைத் தலைவா் என்.சுமதி உள்ளிட்டோா் உடனிருந்தனா்.