துபையில் வேலை வாங்கித் தருவதாக ரூ.65.75 லட்சம் மோசடி: 3 போ் மீது வழக்குப் பதிவு

துபையில் வேலை வாங்கித் தருவதாக ரூ.65.75 லட்சம் மோசடி செய்ததாக 3 போ் மீது போலீஸாா் வழக்குப் பதிவு செய்துள்ளனா்.

கோவை, ராம் நகா் பகு­தி­யைச் சோ்ந்­த­வா் ஷோபனா (54), தனி­யாா் நிறு­வ­னத்­தில் பணி­யாற்றி வரு­கி­றாா். இவருக்கு கடந்த 2023 ஜனவரி 10-ஆம் தேதி ரோஹித் என்பவா் அறிமுகமாகியுள்ளாா்.

அவா் துபையில் வேலை வாங்­கித் தரு­வ­தாகக் கூறி­யுள்ளாா். மேலும், அதற்கான உதவிகளை தனது நண்­பா் ரஷீத் குன்­னத் என்­ப­வா் செய்து தரு­வாா் என அவரையும் ஷோபனா­விடம் அறி­மு­கம் செய்துள்ளாா்.

இந்நிலையில், துபையில் அதிக அளவிலான வேலை வாய்ப்­பு­கள் உள்ளதாகவும் உறவினா்கள், நண்பா்களை அறிமுகம் செய்துவைத்தால், அவா்களுக்கும் அதிக சம்பளத்தில் வேலை வாங்கித் தருவதாகவும் ரோஹித் கூறியுள்ளாா்.

இதை நம்­பிய ஷோபனா தனக்கு தெரிந்த சுமாா் 50 பேரிடமிருந்து ரூ.65.75 லட்சத்தைப் பெற்று ரோஹித்தின் வங்கிக் கணக்குக்கும், கேரள மாநிலம், திருவனந்தபுரத்தில் ஆட்டோ கேரேஜ் நடத்தி வரும் அவரது தந்தை ராஜேந்தி­ரனி­ன் வங்­கிக் கணக்குக்கும் பணத்தை அனுப்பியுள்ளாா். பல மாதங்களாகியும் ரோஹித் யாருக்கும் வேலை வாங்கித் தராமல் இருந்துள்ளாா்.

இதையடுத்து, பணத்தை திருப்பித் தருமாறு ஷோபனா உள்ளிட்டோா் ரோஹித்­, அவரது தந்தை ராஜேந்திரனிடம் கேட்டுள்ளனா். அவா்கள் தராததால் காட்­டூா் காவல் நிலையத்தில் ஷோபானா ஞாயிற்றுக்கிழமை புகாா் அளித்­தாா்.

இதையடுத்து, ரோஹித், ராஜேந்­தி­ரன், ரஷீத் குன்­னத் ஆகியோா் மீது வழக்குப் பதிவு செய்த போலீஸாா் விசாரணை நடத்தி வருகின்றனா்.