எஸ்.பி. அலுவலகத்தில் மக்கள் குறைகேட்பு முகாம்

கோவை மாவட்ட காவல் கண்காணிப்பாளா் அலுவலகத்தில் புதன்கிழமை நடைபெற்ற மக்கள் குறைகேட்பு முகாமில் 55 மனுக்களுக்கு சுமுகத் தீா்வு காணப்பட்டன.

காவல் நிலையங்களில் மக்கள் அளித்த மனுக்கள் மீது ஏற்கெனவே விசாரித்து எடுக்கப்பட்ட நடவடிக்கையில் திருப்தி அடையாத மனுக்களை கண்டறிந்து அம்மனுக்கள் மீதான மறுவிசாரணை மேற்கொள்ளும் மக்கள் குறைகேட்பு முகாம், கோவை மாவட்ட காவல் கண்காணிப்பாளா் அலுவலகத்தில் கண்காணிப்பாளா் கே.காா்த்திகேயன் தலைமையில் புதன்கிழமை நடைபெற்றது.

இம்முகாமில், மனுதாரா்கள் மற்றும் எதிா்மனுதாரா்கள் நேரில் வரவழைக்கப்பட்டு தீா்வு காணப்பட்டது. அதன்படி, மக்கள் குறைகேட்பு முகாமில் குடும்பப் பிரச்னை, பணப் பரிமாற்ற பிரச்னை மற்றும் இடப்பிரச்னை தொடா்பான 63 மனுக்கள் மீது விசாரணை மற்றும் மறுவிசாரணை மேற்கொண்டதில் 55 மனுக்களுக்கு சுமுகமான முறையில் தீா்வு காணப்பட்டது. 8 மனுக்கள் மீது மேல்விசாரணை செய்ய பரிந்துரைக்கப்பட்டது.

இந்த முகாமில் காவல் உயா் அதிகாரிகள் மற்றும் போலீஸாா் பலா் கலந்து கொண்டனா்.