தனியார் கல்லூரியின் என்.எஸ்.எஸ். முகாம்

பெருந்துறையை அடுத்த சித்தோடு ஸ்ரீவாசவி கல்லூரியில் சார்பில் நாட்டுநலப் பணித் திட்ட முகாம் காஞ்சிக்கோவில் பகுதியில் வியாழக்கிழமை நடைபெற்றது.

இக்கல்லூரி நாட்டுநலப் பணித் திட்ட மாணவர்கள் சார்பில், காஞ்சிக்கோவில் தொடக்க வேளாண்மை கூட்டுறவு வங்கி வளாகம், நூலக வளாகம் ஆகிய இடங்களில் மரக்கன்றுகள் நடும் விழா வியாழக்கிழமை நடைபெற்றது. இதில், காஞ்சிக்கோவில் பேரூராட்சித் தலைவர் கே.பி.பரமசிவம் பங்கேற்று மரக்கன்றுகள் நடும் பணியை தொடங்கி வைத்தார். முகாமில், தினமும் விழிப்புணர்வு பயிற்சி வகுப்புகள், யோகா மற்றும் கலை நிகழ்ச்சிகள் நடைபெற்று வருகின்றன.

  இந்நிகழ்ச்சியில், கல்லூரி முதல்வர் என்.ஜெயக்குமார், செயலர் எஸ்.ஹிமாவதி, காஞ்சிக்கோவில் தொடக்க வேளாண்மை கூட்டுறவு வங்கி துணைத் தலைவர் பி.எம்.கார்த்திகேயன் உள்பட பலர் கலந்து கொண்டனர்.