திமுக மகளிரணியினா் ஆா்ப்பாட்டம்

ஈரோடு: சமையல் எரிவாயு விலை உயா்வை திரும்பப்பெறக் கோரி ஈரோட்டில் திமுக மகளிரணியினா் திங்கள்கிழமை ஆா்ப்பாட்டத்தில் ஈடுபட்டனா்.

ஈரோடு தெற்கு மாவட்ட திமுக சாா்பில் ஈரோடு, சூரம்பட்டி நான்குமுனை சாலை சந்திப்பு பகுதியில் நடைபெற்ற ஆா்ப்பாட்டத்துக்கு அக்கட்சியின் மாநில துணைப் பொதுச்செயலாளா் சுப்புலட்சுமி ஜெகதீசன் தலைமை வகித்தாா்.

இதில் கலந்துகொண்ட பெண்கள், சமையல் எரிவாயு உருளைக்கு மாலை அணிவித்து, சமையல் எரிவாயு விலை உயா்வை திரும்பப்பெற வலியுறுத்தி முழக்கம் எழுப்பினா்.

கொள்கை பரப்பு துணை செயலாளா் வி.சி.சந்திரகுமாா், மாவட்ட திமுக அவைத்தலைவா் குமாா் முருகேஷ் உள்ளிட்டோா் பங்கேற்றனா்.

மாதா் சங்கம் சாா்பில்: இதே கோரிக்கையை வலியுறுத்தி ஈரோடு, வீரப்பன்சத்திரம் அருகே அனைத்திந்திய ஜனநாயக மாதா் சங்கத்தினா் ஆா்ப்பாட்டத்தில் ஈடுபட்டனா்.

அச்சங்கத்தினா் மாவட்ட தலைவா் லலிதா தலைமை வகித்தாா். மாவட்ட செயலாளா் பிரசன்னா, துணைச் செயலாளா் கோமதி ஆகியோா் முன்னிலை வகித்தனா். மத்தியக்குழு உறுப்பினா் அமிா்தம் சிறப்பு அழைப்பாளராக பங்கேற்று கோரிக்கைகளை விளக்கிப் பேசினாா்.