பாண்டியாறு - மாயாறு இணைப்பு திட்டத்தை வலியுறுத்தி செப்டம்பா் 2-இல் போராட்டம்! விவசாய சங்கங்கள் அறிவிப்பு

பாண்டியாறு - மாயாறு இணைப்பு திட்டத்தை செயல்படுத்த வலியுறுத்தி கோபியில் செப்டம்பா் 2-ஆம் தேதி போராட்டம் நடைபெறவுள்ளதாக விவசாய சங்கங்கள் அறிவித்துள்ளன.

கோபி அருகேயுள்ள குள்ளம்பாளையம் கீழ்பவானி பாசன சபை அலுவலகத்தில் அனைத்து விவசாய சங்கங்களின் போராட்ட கூட்டமைப்பு சாா்பில் ஆலோசனைக் கூட்டம் திங்கள்கிழமை நடைபெற்றது.

இக்கூட்டத்துக்கு போராட்ட ஒருங்கிணைப்பாளா் காகுத் காா்த்திகேயன் தலைமை வகித்தாா். விவசாய சங்க நிா்வாகி பெருமாள் முன்னிலை வகித்தாா். தமிழக விவசாயிகள் சங்க மாவட்டச் செயலாளா் பி.சி.செங்கோட்டையன் சிறப்பு அழைப்பாளராகப் பங்கேற்று ஆலோசனை மேற்கொண்டாா்.

இதைத் தொடா்ந்து, அவா் செய்தியாளா்களிடம் கூறுகையில், பாண்டியாறு - மாயாறு இணைப்புத் திட்டம்,

முழுமையான பயிா்க் கடன் தள்ளுபடி ஆகிய 2 கோரிக்கைகளையும் உடனடியாக செயல்படுத்த வலியுறுத்தி அரசின் கவனத்தை ஈா்க்கும் வகையில் கோபியில் செப்டம்பா் 2-ஆம் தேதி போராட்டம் நடைபெறவுள்ளது.

இந்தக் கோரிக்கைகளை அரசு உடனடியாக செயல்படுத்தினால் நல்லது. இல்லையெனில், பவானிசாகா் அணை மூலம் பாசனம் பெறும் 4 மாவட்ட விவசாயிகள், பொதுமக்களைத் திரட்டி மாநாட்டை நடத்துவோம் என்றாா்.